Ummeed Shayari

Best Ummeed Shayari: Poetry on Hope

Mit Chale Meri Ummeedon Ki Tarah Harf Magar
Aaj Tak Tere Khaton Se Teri Khushboo Na Gai

[Akhtar Shirani]

**************************************

Tum Aise Kaun Khudaa Ho Ki Umr Bhar Tum Se
Ummeed Bhi Rakkhoon Naa-Ummeed Bhi Na Rahoon

[Altaf Husain Hali]

**************************************

Bahut Taveel Shab-E-Gham Hai Kyaa Kiyaa Jaaye
Ummeed-E-Subah Bahut Kam Hai Kyaa Kiyaa Jaaye

[Shamim Jaipuri]

**************************************

Lo Aaj Ham Ne Tod Diyaa Rishtaa-E-Ummeed
Lo Ab Kabhi Gilaa Na Karenge Kisi Se Ham

[Sahir Ludhianvi]

**************************************

Bas Ab To Daaman-E-Dil Chhod Do Bekaar Ummeedo
Bahut Dukh Sah Liye Main Ne, Bahut Din Jee Liya Main Ne

[Sahir Ludhianvi]

**************************************

Chheen Gai Aakhiri Umeed Bhi Dil Se "Ashaar"
Ye Sahaara Hai Ki Ab Koi Sahaara Na Rahaa

[Habib Ahmed Ashaar]

**************************************

Na Jaane Kis Liye Ummeed-Vaar Baitha Hoon
Ik Aisi Raah Pe Jo Teri Rah-Guzar Bhi Nahin

[Faiz Ahmed Faiz]

**************************************

Yoon To Har Shaam Ummeedon Pe Guzar Jaati Thi
Aaj Kuchh Baat Hai Jo Shaam Pe Ronaa Aayaa

[Shakil Badayuni]

**************************************

Sau Sau Ummeeden Bandhti Hain Ik Ik Nigaah Par
Mujh Ko Na Aise Pyaar Se Dekhaa Kare Koi

[Allama Iqbal]

**************************************

Kuchh Kati Himmat-E-Savaal Mein Umr
Kuchh Ummeed-E-Javaab Mein Guzri

[Fani Badayuni]

**************************************

Na Koi Vaada Na Koi Yaqeen, Na Koi Ummeed
Magar Hamen To Teraa Intazaar Karnaa Thaa

[Firaq Gorakhpuri]

**************************************

Kam Se Kam Maut Se Aisi Mujhe Ummeed Nahin
Zindagi Too Ne To Dhoke Pe Diyaa Hai Dhokaa

[Firaq Gorakhpuri]

**************************************

Hamako Un Se Vafaa Ki Hai Ummeed
Jo Nahin Jaanate Vafaa Kyaa Hai

[Mirza Ghalib]

**************************************

Rahi Naa Taaqat-E-Guftaar Aur Agar Ho Bhi
To Kis Ummeed Pe Kahiye Ke Aarazoo Kyaa Hai

[Mirza Ghalib]

**************************************

Hamen Phir Un Se Ummeed Aur Unhen Hamaari Qadr
Hamaari Baat Hi Poochhen Na Vo, To Kyonkar Ho

[Mirza Ghalib]

**************************************

Kahte Hain Jeete Hain Ummeed Pe Log
Ham Ko Jeene Ki Bhi Ummeed Nahin

[Mirza Ghalib]

**************************************

Munhasir Marne Pe Ho Jis Ki Ummeed
Naa-Ummeedi Us Ki Dekhaa Chaahiye

[Mirza Ghalib]

**************************************

Ba Hujoom-E-Naaumeedi Khaak Men Mil Jaaegi
Ye Jo Ik Lazzat Hamaari Sa’i-E-Behaasil Mein Hai

[Mirza Ghalib]

**************************************

Koi Ummeed Bar Nahin Aati
Koi Surat Nazar Nahin Aati

[Mirza Ghalib]

**************************************

Sambhalne De Mujhe Ai Naa-Ummeedi Kya Qayaamat Hai
Ki Daamaan-E-Khayaal-E-Yaar Chhoota Jaaye Hai Mujh Se

[Mirza Ghalib]

**************************************

Ummeed-E-Shifaa Bhi Nahin Beemaar Ko Tere
Allaah Se Maayoos Huaa Bhi Nahin Jaataa

[S Jaayasi]

**************************************

Saari Ummeed Rahi Jaati Hai
Haay, Phir Subah Hui Jaati Hai

[Bismil Azimabadi]

**************************************

Ummeed To Bandh Jaati Taskeen To Ho Jaati
Vaadaa Na Vafaa Karte Vaadaa To Kiyaa Hotaa

[Charagh Hasan Hasrat]

**************************************

Us Ke Bandon Ko Dekh Kar Kahiye
Ham Ko Ummeed Kyaa Khudaa Se Rahe

[Javed Akhtar]

**************************************

Kuchh Ummeed-E-Karam Mein Guzri Umr
Kuchh Ummeed-E-Karam Mein Guzregi

[Fani Badayuni]

**************************************

Tark-E-Ummeed Bas Ki Baat Nahin
Varna Ummeed Kab Bar Aati Hai

[Fani Badayuni]

**************************************

Kahte Hain Ummeed Pe Jeetaa Hai Zamaana
Vo Kyaa Kare Jis Ko Koi Ummeed Nahin Hai

[Aasi Uldani]

**************************************

Khalvat-E-Ummeed Mein Raushan Hai Ab Tak Vo Chiraagh
Jis Se Uthtaa Hai Qareeb-E-Shaam Yaadon Kaa Dhuaan

[Hasan Naeem]

**************************************

Ilaahi Kaam-Yaabi Rah-Numaa Ho
Koi Ummeed-Vaaraana Chalaa Hai

[Azad Ansari]

**************************************

Ye Achcha Hai Ke Aapas Ke Bharam Na Tootne Paayen
Kabhi Bhi Doston Ko Aazmaa Kar Kuchh Nahin Miltaa

[Unknown]

**************************************

Explore More Shayari

Zindagi Khwaab Dua Aankhen Tanhai Saaqi-o-Sharaab Intezar Barish

Featured Poet Archives

Fani Badayuni Firaq Gorakhpuri Allama Iqbal Jaun Eliya Parveen Shakir Faiz Ahmad Faiz Wasim Barelvi Sahir Ludhianvi Bashir Badr