Best Raqeeb (Rival) Shayari in Urdu
Raqeeb Se Bhi Miloon Ga Tumhaare Hukm Pe Main
Jo Ab Talak Na Kiyaa Thaa Ab Aah Kar Loon Ga
[Akhtar Sheerani]
Main Is Liye Manaataa Nahin Wasl Ki Khushi
Mere Raqeeb Ki Na Mujhe Bad-Duaa Lage
[Qateel Shifai]
Main Muztarib Hoon Wasl Mein Khauf-E-Raqeeb Se
Daala Hai Tum Ko Weham Ne Kis Pech-O-Taab Mein
[Mirza Ghalib]
Dosti Jab Kisi Se Ki Jaaye
Dushmano Ki Bhi Raaye Li Jaaye
[Bashir Badr]
Wafaa Ke Bhes Men Koi Raqeeb-E-Shahar Bhi Hai,
Hazar Ke Shahar Ke Qaatil Tabeeb-E-Shahar Bhi Hai
[Ahmad Faraz]
Shauq Har Rang Raqeeb-E-Sar-O-Saamaan Niklaa
Qais Tasweer Ke Parde Mein Bhi Uriyaan Niklaa
[Mirza Ghalib]
Hosh Udne Lage Raqeebon Ke
‘Daagh’ Ko Aur Bewafa Kahiye
[Daagh Dehlvi]
Khuda Jab Dost Hai Ai ‘Daagh’ Kya Dushman Se Andesha
Hamara Kuch Kisi Ki Dushmani Se Ho Nahin Sakta
[Daagh Dehlvi]
Dosti Main Teri Dar-Parda Hamaare Dushman
Is Qadar Apne Paraaye Hain Ki Jee Jaanta Hai
[Daagh Dehlvi]
Us Ne Kaha Hai Sabr Padega Raqeeb Ka
Le Aur Be-Qaraar Hua Ai Beqaraar Dil
[Daagh Dehlvi]
Is Tarah Se Hamein Raqeeb Mile
Jaise Muddat Ke Aashna Hain Hum
[Ahmad Faraz]
Zikr Us Pareewash Kaa, Aur Phir Bayaan Apna
Ban Gayaa Raqeeb Aakhir Thaa Jo Raazdaan Apna
[Mirza Ghalib]
Tumhari Tarz-O-Rawish Jaante Hain Ham Kya Hai
Raqeeb Par Hai Agar Lutf To Sitam Kya Hai
[Mirza Ghalib]
Sab Raqeebaon Se Hain Na-Khush, Par Zanaan-E-Misar Se,
Hai Zulekha Khush, Ke Mahw-E-Maah-E-Kinaan Ho Gayein.
[Mirza Ghalib]
Is Naqsh-E-Paa Ke Sijde Ne Kya Kya Kiya Zaleel,
Main Koocha-E-Raqeeb Mein Bhi Sar Ke Bal Gaya.
[Momin Khan Momin]
Jama Karte Ho Kyon Raqeebon Ko,
Ik Tamaasha Hua, Gilaa Na Hua.
[Mirza Ghalib]
Ghair Lein Mahfil Mein Bose Jaam Ke,
Hum Rahen Yoon Tishna-Lab Paighaam Ke!
[Mirza Ghalib]
Raqeeb-E-Roo-Siyah Ka Kaam Kya Hai Koo-E-Jaanaan Mein,
Is Ko, Shaitaan Hai, Yeh Jannat Mein Ghusa Kyon Hai.
[Rashk Fatehpuri]
Hum Bhi Dushman To Nahin Hain Apne,
Ghair Ko Tujh Se Mohabbat Hi Sahi.
[Mirza Ghalib]
Suhbat Mein Ghair Ki Kahin Padi Na Ho Yeh Khoo,
Dene Laga Hai Bosa Baghair Iltejaa Kieye.
[Mirza Ghalib]
Ghair Hai Moorad-E-Inaait, Haaye!
Hum Bhi To Tum Se Pyaar Karte Hain.
[Mir Taqi Mir]
Tum Jaano Tum Ko Ghair Se Jo Rasm-E-Raah Ho,
Mujh Ko Bhi Poochhte Raho To Kya Gunaah Ho.
[Mirza Ghalib]
Woh Hazaar Dushman-E-Jaan Sahi, Mujhe Ghair Phir Bhi Aziz Hai,
Jise Khaak-E-Paa Teri Chhoo Gai, Woh Bura Bhi Ho To Bura Nahin.
[Jigar Moradabadi]
Saamne Uske Na Kahte, Magar Ab Kahte Hain,
Lazzat-E-Ishq Gai, Ghair Ke Mar Jaane Se.
[Unknown]
Jaana Pada Raqeeb Ke Dar Par Hazaar Baar,
Ai, Kash! Jaanta Na Teri Rahguzar Ko Main.
[Mirza Ghalib]
Mataa-E-Sabr Kho Baithe, Raqeebaan-E-Siyah-Roo Tak
Tumhari Raah Wo Hai Js Mein Kat Jaate Hain Rahzan Tak
[Hairat Allahabadi]
Deeda-Baazi Hai Raqeebon Se Hamaare Aage
Dekhte Hain Jo Dikhaata Hai Muqadar Ham Ko
[Hairat Allahabadi]
Aaye Hamaare Ghar Bhi To Naa-Aashna Ke Saath
Hain Meherbaaniyan Bhi Tumhaari, Jafa Ke Saath
[Hairat Allahabadi]
Tum Ko To Dar-E-Ghair Par Dekha Nahin Lekin
Pahchaante Hain Naqsh-E-Qadam Kah Nahin Sakte
[Hairat Allahabadi]
Jalaate Hain Hamein Ghairon Mein Baithe
Ba-Rang-E-Sho'la Pahne Pairahan-E-Surkh
[Hairat Allahabadi]
Baithe Huwe Raqeeb Hain Dilbar Kea As-Paas
Kaanton Ka Hai Hujoom Gul-E-Tar Ke Aas Paas
[Jigar Moradabadi]
Kya Huwa Us Rashk-E-Gulshan Ko Jo Ghere Hain Raqeeb
Qurb-E-Gul Dekho Hazaaron Hi Gulshan Mein Khaar Hain
[Jigar Moradabadi]
Guzre Gi Phir Bahaar Isi Raah Se Raqeeb!
Sookhi Hui Zameen Pe Kuchh Ghaas Rehne De
[Kalim Akhtar]
Zamana Garche Mukhalif Hazar Apna Hai,
Dil-E- Raqeeb Mein Phir Bhi Waqar Apna Hai.
[Md.Serajuddin Nezami]
"Dosti Jab Kisi Se Ki Jaaye
ReplyDeleteDushmano Ki Bhi Raaye Li Jaaye"
it penned by #Rahat_indOri
not by #bashir_badr SB.