Best Dosti Shayari: Poetry on Friendship
Vo Mera Dost Hai Saare Jahaan Ko Hai Maaloom
Daghaa Kare Vo Kisi Se To Sharm Aaye Mujhe
[Qateel Shifai]
Main Muddaton Jiyaa Hoon Kisi Dost Ke Baghair
Ab Tum Bhi Saath Chhodne Ko Kah Rahe Ho, Khair
[Firaq Gorakhpuri]
Ham Se Poochho Na Dosti Ka Sila
Dushmanon Ka Bhi Dil Hila Dega
[Sudarshan Faakir]
Vo Zamaana Bhi Tumhein Yaad Hai Tum Kahte They
Dost Duniya Mein Nahin ‘Daagh’ Se Behtar Apna
[Daagh Dehlvi]
Dost Gham-Khvaari Mein Meri Sa’yi Farmaayen Ge Kya
Zakhm Ke Bharne Talak Naakhoon Na Badh Jaayen Ge Kya
[Mirza Ghalib]
Bhool Shayad Bahut Badi Kar Li
Dil Ne Duniya Se Dosti Kar Li
[Bashir Badr]
Tum Takalluf Ko Bhi Ikhlaas Samajhte Ho ‘Faraz’
Dost Hota Nahin Har Haath Milaane Vaalaa
[Ahmad Faraz]
Hamen Bhi Doston Se Kaam Aa Padaa Ya’ni
Hamaare Doston Ke Bevafaa Hone Ka Vaqt Aaya
[Hari Chand Akhtar]
Dushmanon Se Pashemaan Honaa Pada
Doston Ka Khuloos Aazamaane Ke Baad
[Khumar Barabankvi]
Dosti Jab Kisi Se Ki Jaaaye
Dushmanon Ki Bhi Raay Li Jaaye
[Rahat Indori]
Ai Dost Tum Se Tark-E- Ta'alluq Ke Baa-Wajood
Mahsoos Ki Hai Teri Zaroorat Kabhi Kabhi
[Sahir Ludhianvi]
Ye Kahaan Ki Dosti Hai Ke Bane Hain Dost Naaseh
Koi Chaara-Saaz Hotaa Koi Gham-Gusaar Hotaa
[Mirza Ghalib]
Mujhe Mere Doston Se Bachaaiye ‘Rahi’
Dushmanon Se Main Khud Nipat Loon Ga
[Saeed Rahi]
Dost Ban Kar Bhi Nahin Saath Nibhaane Waala
Wohi Andaaz Hai Zaalim Ka Zamaane Waala!!
[Ahmad Faraz]
Zindagi Ke Udaas Lamhon Mein
Be-Wafaa Dost Yaad Aate Hain
[Faiz Ahmad Faiz]
Mera Zameer Bahut Hai Mujhe Saza Ke Liye
Tu Dost Hai To Naseehat Na Kar Khuda Ke Liye
[Shaz Tamaknat]
Dost Kya Khoob Wafaaon Ka Sila Detey Hain
Har Ek Mod Pe Ek Zakham Naya Detey Hain
Kaun Hota Hai Museebat Mein Kisi Ka Ai Dost
Aag Lagti Hai To Pattey Bhi Hawa Detey Hain
[Unknown]
No comments:
Post a Comment