Naqaab Shayari

 

Best Naqaab Shayari: Romantic Poetry on the Veil

Sarakti Jaaye Hai Rukh Se Naqaab Aahistaa-Aahistaa
Nikaltaa Aa Rahaa Hai Aaftaab Aahistaa-Aahistaa

[Ameer Minai]

Meri Hairat Ki Qasam Aap Uthayen To Naqaab
Meraa Zimmaa Hai Ki Jalve Na Pareshaan Honge

[Jigar Moradabadi]

Hai Dekhne Vaalon Ko Sambhalne Ka Ishaara
Thodi Naqaab Aaj Vo Sarakaaye Huye Hain

[Arsh Malsiyani]

Us Roo-E-Benaqaab Ka Jalwa Hua Naqaab
Nikli Hai Rang Rang Se Soorat Hijaab Ki

[Daagh Dehlvi]

Naqaab Kahti Hai Main Parda-E-Qayaamat Hoon
Agar Yaqeen Na Ho Dekh Lo Uthaa Ke Mujhe

[Jaleel Manikpuri]

Sharm-E-Rusvaai Se Jaa Chhupna Naqaab-E-Khaak Mein
Khatm Hai Ulfat Ki Tujh Par Parda-Daari Haaye Haaye

[Mirza Ghalib]

Muskuraa Kar Daal Di Rukh Par Naqaab
Mil Gayaa Jo Kuchh Ki Milnaa Tha Javaab

[Moin Ahsan Jazbi]

Baam Par Aa Ke Utha Do Rukh-E-Taabaan Se Naqaab
Ek Izaafa Hi Sahi Toor Ke Afsaane Mein

[Jigar Moradabadi]

Chehre Kaa Nisf Hissa Zer-E-Naqaab Kar Ke
Karte Hain Husn Vaale Deedaar Mein Milaavat

[Unknown]

Meraa Kalaam Nahin Meezaan Aise Aadil Ki
Jo Apne Chehre Pe Dohraa Naqaab Rakhtaa Hai

[Ahmed Faraz]

More Shayari Topics

Shama Sharm o Hya Tasveer Khamoshi Aankhen

Featured Poets on Naqaab Shayari

Mirza Ghalib Daagh Dehlvi Jigar Moradabadi Ahmad Faraz Majaz Lucknawi Asghar Gondvi Ameer Minai