Hena Shayari

Hena Shayari: 30+ Best Couplets on Mehndi and Its Fragrance

Chand Maasoom Se Patton Kaa Lahoo Hai ‘Faakhir’
Jis Ko Mahaboob Ke Haathon Ki Hina Kahte Hain
[Sudarshan Fakhir]

******************************

Na Mere Zakhm Khile Hain Na Teraa Rang-E-Hina
Mausam Aaye Hi Nahin Ab Ke Gulaabon Vaale
[Ahmed Faraz]

******************************

Zakhm-E-Tanhaai Mein Khushboo-E-Hinaa Kis Ki Thi
Saayaa Deevaar Pe Meraa Thaa Sadaa Kis Ki Thi
[Muzaffar Warsi]

******************************

Kya Surma Bhari Aankhon Se Aansoo Nahin Bahte
Kya Mehndi Lage Haathon Se Maatam Nahin Hotaa
[Riaz Khairabadi]

******************************

Khoon Hai Dil Khaak Mein Ahvaal-E-Butaan Par Yaani
Un Ke Naakhoon Hue Mohtaaj-E-Hinaa Mere Baad
[Mirza Ghalib]

******************************

Hatheliyon Ki Duaa Phool Ban Ke Aai Ho
Kabhi To Rang Mere Haath Ka Hinaai Ho
[Parveen Shakir]

******************************

Gulaabi Paanv Mere Champai Banaane Ko
Kisi Ne Sahan Mein Mehndi Baadh Ugaai Ho
[Parveen Shakir]

******************************

Tere Tohfe To Sab Achchhe Hain Magar Mauj-E-Bahaar
Ab Ke Mere Liye Khushboo-E-Hina Aai Ho
[Parveen Shakir]

******************************

Khil Uthe Gul Yaa Khile Dast-E-Hinaai Tere
Har Taraf Too Hai To Phir Teraa Pata Kis Se Karen
[Malikzada Manzoor]

******************************

Yaar Thaa Gulazaar Thaa Baad-E-Sabaa Thi Main Na Thaa
Laayaq-E-Paa-Bos-E-Jaan Kyaa Hinaa Thi Main Na Thaa
[Bahadur Shah Zafar]

******************************

Haath Kyon Baandhe Mere Chhallaa Agar Chori Huaa
Ye Saraapaa Shokhi-E-Rang-E-Hina Thi Main Na Thaa
[Bahadur Shah Zafar]

******************************

Daal Kar Khaak Mere Khoon Pe Qaatil Ne Kahaa
Kuchh Ye Mehndi Nahin Meri Ke Mitaa Bhi Na Sakoon
[Ameer Minai]

******************************

Main Bhi Palkon Pe Sajaa Loon Ga Lahoo Ki Boonden
Tum Bhi Paa-Basta-E-Zanjeer-E-Hina Ho Jaanaa
[Ahmed Faraz]

******************************

Arz-E-Dakkan Mein Jaan To Dilli Mein Dil Bani
Aur Shahar Lakhnau Mein Hinaa Ban Gai Ghazal
[Ganesh Bihari Tarz]

******************************

Vo Aankhon Mein Kaajal Vo Baalon Mein Gajraa
Hatheli Pe Us Ke Hina Maheki Maheki
[Hasrat Jaipuri]

******************************

Sabt Hoon Dast-E-Khamoshi Pe Hina Ki Soorat
Naa-Shuneeda Hi Sahi Tera Kaha Hoon Main Bhi
[Mazhar Imam]

******************************

Vo Haath Paraaye Ho Bhi Gaye Ab Door Ka Rishta Hai "Qaisar"
Aati Hai Meri Tanhaai Mein Khushboo-E-Hina Dheere Dheere
[Qaiser-Ul-Jafri]

******************************

Mehndi Mere Lahoo Ki Mubaarak Ho Aap Ko
Rang-E-Hina Is Mein Hai Aur Boo-E-Vafaa Bhi Hai
[Unknown]

******************************

Rang Laati Hai Hina Patthar Pe Ghis Jaane Ke Baad
Surkh-Roo Hota Hai Insaan Thokaren Khaane Ke Baad
[Unknown]

******************************

Hina Ka Rang Ye Hargiz Nahin Hai Sach Bataa Zaalim
Ye Kis Ka Phool Sa Dil Tu Ne Paaon Se Masal Daalaa
[Unknown]

******************************

Mehndi Ke Vaaste Vo Lahoo Maangte Hain Roz
Dil Dena Un Ko Jaan Ka Be-Naamaa Ho Gayaa
[Kaleem Aajiz]

******************************

Deevaar-O-Dar Pe Khoon Ke Chheente Jaa-Ba-Jaa
Bikhraa Huaa Hai Rang-E-Hina Tere Shahar Mein
[Kaif Azeemabadi]

******************************

Khushboo-E-Hina Kahnaa Narmi-E-Sabaa Kahnaa
Jo Zakhm Mile Tum Ko Phoolon Ki Qabaa Kahnaa
[Kaif Azeemabadi]

******************************

Hamaare Qatl Se Qaatil Ko Tajarubaa Ye Huaa
Lahoo Lahoo Bhi Hai, Mehndi Bhi Hai Sharaab Bhi Hai
[Kaleem Aajiz]

******************************

Shaamil Hai Meraa Khoon-E-Jigar Teri Hena Mein
Ye Kam Ho To Ab Khoon-E-Vafaa Saath Liye Jaa
[Sahir Ludhianvi]

******************************

Dil Mein Hai Mulaaqaat Ki Khvaahish Ki Dabi Aag
Mehndi Lage Haathon Ko Chhupaa Kar Kahaan Rakhoon
[Kishwar Naheed]

******************************

Explore More Shayari

Ishq Shayari Yaad Shayari Zindagi Shayari Tanhai Shayari

Featured Poets

Parveen Shakir Ahmad Faraz Bahadurshah Zafar Mirza Ghalib