Gham Shayari

Gham Shayari: Timeless Urdu Couplets on Sorrow and Grief

Gham Raha Jab Tak Ke Dam Mein Dam Raha,
Dil Ke Jaane Ka Nihaayat Gham Raha.
[Meer Taqi Meer]

-----------------------------

Tool -E-Gham-E-Hayaat Se Ghabra Na, Ai ‘Jigar’
Aisi Bhi Koi Shaam Hai, Jis Ki Sahar Na Ho.
[Jigar Moradabadi]

-----------------------------

Yoon Hi Firaq Ne Umr Basar Ki,
Kuchh Gham-E-Jaanaan, Kuchh Gham-E-Dauraan.
[Firaq Gorakhpuri]

-----------------------------

Ranj Se Khoogar Hua Insaan To Mit Jaata Hai Ranj,
Mushkilen Itni Pareen Mujh Par Ke Aasaan Ho Gayin.
[Mirza Ghalib]

-----------------------------

Qaid-E-Hayaat-O-Band-E-Gham Asal Mein Donon Ek Hain,
Maut Se Pahle Aadmi Gham Se Nijaat Paae Kyon.
[Mirza Ghalib]

-----------------------------

Khanjar Chale Kisi Pe, Tarapte Hain Hum, ‘Ameer’,
Saare Jahaan Ka Dard Hamaare Jigar Mein Hai.
[Ameer Minai]

-----------------------------

Raat Aadhi Se Zayada Gayi Thi, Saara Aalam Sota Tha,
Naam Tera Le Le Kar Koi, Dard Ka Maara Rota Tha.
[Firaq Gorakhpuri]

-----------------------------

Naghma-Haa-E Gham Ko Bhi Ai Dil Ghanimat Jaaniye,
Be-Sada Ho Jaaye Ga Yeh Saaz-E-Hasti Ek Din.
[Mirza Ghalib]

-----------------------------

Maut Ka Nuskha Abhi Baaqi Hai, Ai Dard-E-Firaq,
Chaara-Gar Deewana Hai, Main Laa-Dawa Kyonkar Hua.
[Allama Iqbal]

-----------------------------

Qaum Ke Gham Mein Dinner Khaate Hain Hukkaam Ke Saath,
Ranj Leader Ko Bahut Hai, Magar Aaram Ke Saath.
[Akbar Allahabadi]

-----------------------------

Apna Gham Bhool Gaye Teri Jafa Bhool Gaye
Hum To Har Baat Mohabbat Ke Siwa Bhool Gaye
[Farukh Qaiser]

-----------------------------

Ek Hangame Pe Mauqoof Hai Ghar Ki Raunaq,
Nauha-E-Gham Hi Sahi, Naghma-E-Shaadi Na Sahi.
[Mirza Ghalib]

-----------------------------

Related Collections

Tanhai Shayari Khamoshi Shayari Dard Shayari Yaad Shayari Zahid Shayari Naqaab Shayari

Featured Poets

Mirza Ghalib Meer Taqi Meer Allama Iqbal Firaq Gorakhpuri Gulzar Shakeel Badayuni Hafeez Jalandhari