• Breaking News

    5 October 2011

    Daagh - Butaan-E-Maahvash Ujdi Hui Manzil Main Rahte Hain


    Butaan-E-Maahvash Ujdi Hui Manzil Main Rahte Hain
    Ke Jis Ki Jaan Jaati Hai Usi Ke Dil Main Rahte Hain

    Hazaaron Hasraten Wo Hain Ki Roke Se Nahin Rukti
    Bahut Armaan Aise Hain Ki Dil Ke Dil Main Rahte Hain

    Khuda Rakkhe Mohabbat Ke Liye Aabaad Dono Ghar
    Main Un Ke Dil Main Rahta Hoon Wo Mere Dil Main Rahte Hain

    Zameen Par Paanv Nakhvat Se Nahin Rakhte Pari-Paikar
    Ye Goya Is Makaan Ki Dusri Manzil Main Rahte Hain

    Koi Naam-O-Nishaan Puchhe To Ai Qaasid Bata Dena
    Takhallus “Daagh” Hai Aur Aashiqon Ke Dil Main Rahte Hain

    -------------------------

    No comments:

    Post a Comment

    Mushaira

    Video

    Topic Shayari

    Stats