Waseem Barelvi- Indo-Pak Mushaira by Mohibban E Urdu of North America

Read More

Mirza Ghalib - Zilkr Us Pariwash Ka- Farida Khanum

Read More

Mirza Ghalib - Dayem Pada Huwa Tere Dar Par - Iqbal Bano

Read More

Ghalib - Naqsh Fariyaadi Hai Kis Ki Shokhi-E-Tehreer Ka

Naqsh Fariyaadi Hai Kis Ki Shokhi-E-Tehreer Ka
Kaaghazi Hai  Pairhan Har Paikar-E-Tasweer Ka

Kaave-Kaave Sakht-Jaani Haay Tanhaai Na Pooch
Subah Karna Shaam Ka Laana Hai Joo-E-Sheer Ka

Jazba-E-Be-Ikhtiyaar-E-Shauq  Dekha  Chaahiye
Seena-E-Shamshir Se Baahar Hai Dam Shamshir Ka

Aagahi Daam-E-Shuneedan Jis Qadar Chaahe Bichaaye
Mudda'a  Anqa   Hai   Apne   Aalam-E-Taqreer   Ka

Bus Ke Hoon 'Ghalib' Aseeri Mein Bhi Aatish Zer-E-Pa
Moo-E-Aatish-Deeda  Hai  Halqa  Meri  Zanjeer   Ka

-----------------------

Read More

Ghalib - Kabhi Neki Bhi Us Ke Jee Mein Gar Aa Jaaye Hai Mujh Se

Kabhi Neki Bhi Us Ke Jee Mein Gar Aa Jaaye Hai Mujh Se
Jafaayen Karke Apni Yaad Sharma Jaaye Hai Mujh Se

Khudaaya ! Jazba-E-Dil Ki Magar Taaseer Ulti Hai
Ki Jitna Khintchta Hoon Aur Khintchta Jaaye Hai Mujh Se

Woh Bad-Khoo Aur Meri Daastan-E-Ishq Toolaani
Ibaarat Mukhtasar, Qaasid Bhi Ghabra Jaaye Hai Mujh Se

Udhar Woh Bad-Ghumaani Hai, Idhar Yeh Naa-Tavaani Hai
Na Poocha Jaaye Hai Uss Se, Na Bola Jaaye Hai Mujh Se

Sambhalne De Mujhe Ai Naa-Ummidi Kya Qayaamat Hai
Ki Daamaan-E-Khayaal-E-Yaar Chhoota Jaaye Hai Mujh Se

Takalluf Bar-Taraf Nazzaaragi Mein Bhi Sahi, Lekin
Woh Dekha Jaaye, Kab Ye Zulm Dekha Jaaye Hai Mujh Se

Huwe Hain Paanv Hi Pehle Nabard-E-Ishq Mein Zakhmi
Na Bhaaga Jaaye Hai Mujh Se, Na Thehra Jaaye Hai Mujh Se

Qayaamat Hai Ke Howe Muddai Ka Ham-Safar 'Ghalib'
Woh Kaafir, Jo Khuda Ko Bhi Na Saunpa Jaaye Hai Mujh Se

--------------------------------

Read More

Ghalib - Dil-E-Naadaan Tujhe Huaa Kya Hai

Dil-E-Naadaan Tujhe Huaa Kya Hai
Aakhir Is Dard Ki Dawa Kya Hai

Ham Hain Mushtaaq Aur Woh Bezaar
Yaa Ilaahi ! Yeh Maajra Kya Hai

Main Bhi Munh Mein Zabaan Rakhta Hoon
Kaash Poocho Ki Mudda’a Kya Hai

Jab Ki Tujh Bin  Nahin Koi Maujood
Phir Ye Hangaama, Ai Khuda ! Kya Hai

Ye Pari-Chehra Log Kaise Hain
Ghamza-O-Ishwa-O-Adaa Kya Hai

Shikan-E-Zulf-E-Ambar Kyon Hai
Nigah-E-Chashm-E-Soorma Sa Kya Hai

Sabja-O-Gul Kahaan Se Aaye Hain
Abr Kya Cheez Hai, Hawa Kya Hai

Ham Ko Unse Wafa Ki Hai Ummeed
Jo Nahin Jaante Wafa Kya Hai

Haan Bhala Kar Tera Bhala Hoga
Aur Darvesh Ki Sada Kya Hai

Jaan Tum Par Nisaar Karta Hoon
Main Nahin Jaanata Duaa Kya Hai

Main Ne Maana Ki Kuchch Nahin 'Ghalib'
Muft Haath Aaye Bura Kya Hai

---------------------

Read More

Ghalib - Milti Hai Khoo-E-Yaar Se Naar Iltihaab Mein

Milti Hai Khoo-E-Yaar Se Naar Iltihaab Mein
Kaafir Hoon Gar Na Milti Ho Raahat  Azaab Mein

Kab Se Hoon, Kya Bataaoon Jahaan-E-Kharaab Mein
Shab Haaye Hijr Ko Bhi Rakhoon Gar Hisaab Mein

 Taa Phir  Na Intezaar Mein Neend Aaye Umr Bhar
Aane Ka Ahad Kar Gaye Aaye Jo Khwaab Mein

Qaasid Ke Aate-Aate Khat Ik Aur Likh Rakhoon
Main Jaanta Hoon Jo Woh Likhen Ge Jawaab Mein

Mujh Tak Kab Unki Bazm Mein Aata Tha Daur-E-Jaam
Saaqi Ne Kuchch Mila Na Diya Ho Sharaab Mein

Jo Munkir-E-Wafa Ho Fareb Us Pe Kya Chale
Kyoon Bad-Gumaan Hoon Dost Se Dushman Ke Baab Mein

Main Muztarib Hoon Wasl Mein Khauf-E-Raqeeb Se
Daala Hai Tum Ko Weham Ne Kis Pech-O-Taab Mein

Mai Aur Haz-E-Wasl, Khuda-Saaz Baat Hai
Jaan Nazr Deni Bhool Gaya Iztiraab Mein

Hai Tevari Chadhi Hui Andar Naqaab Ke
Hai Ik Shikan Padi Hui Tarf-E-Naqaab Mein

Laakhon Lagaav, Ik Churaana Nigaah Ka
Laakhon Banaav, Ik Bigaadna Itaab Mein

Woh Naala Dil Mein Khas Ke Barabar Jagah Na Paaye
Jis Naale Se Shigaaf Pade Aaftaab Mein

Woh Sehar Mudda Talbi Mein Na Kaam Aaye
Jis Sehar Se Safina Ravaan Ho Saraab Mein

'Ghalib' Chhuti Sharaab, Par Ab Bhi Kabhi-Kabhi
Peeta Hoon Roz-E-Abr -O- Shab-E-Maahtaab Mein

---------------------------

Read More

Ghalib - Husn-E-Mah, Garche Ba-Hangaam-E-Kamaal Achcha Hai

Husn-E-Mah, Garche Ba-Hangaam-E-Kamaal Achcha Hai
Uss Se Mera Mah-E-Khursheed-E-Jamaal Achcha Hai

Bosa Dete Nahin Aur Dil Pe Hai Har Lahza Nigaah
Jee Mein Kehte Hain, Muft Aaye To Maal Achcha Hai

Aur Baazaar Se Le Aaye Agar Toot Gaya
Saaghar-E-Jam Se Mera Jaam-E-Sifaal Achcha Hai

Be-Talab Dein To Maza Uss Mein Siwa Milta Hai
Woh Gada Jis Ko Na Ho Khoo-E-Sawaal Achcha Hai

Unke Dekhe Se Jo Aa Jaati Hai Munh Par Raunaq
Woh Samajhte Hain Ke Beemaar Ka Haal Achcha Hai

Dekhiye Paate Hain Ushshaaq Buton Se Kya Faiz
Ik Birahaman Ne Kaha Hai, Ke Yeh Saal Achcha Hai

Ham-Sukhan Teshe Ne Farhaad Ko Sheereen Se Kiya
Jis Tarah Ka Bhi Kisi Mein Ho Kamaal Achcha Hai

Qatra Dariya Mein Jo Mil Jaaye To Dariya Ho Jaaye
Kaam Achchaa Hai Woh, Jiska Ma'aal Achcha Hai

Khijr Sultaan  Ko Rakhe Khaaliq-E-Akbar Sar-Sabz
Shaah Ke Baagh Mein  Yeh Taaza Nihaal Achcha Hai

Ham Ko  Ma'aloom  Hai   Jannat  Ki  Haqeeqat   Lekin
Dil Ke Bahlaane Ko, 'Ghalib' Yeh Khayaal Achcha Hai


--------------------------

Read More