JaunElia- Abhi Ek Shor Sa Utha Hai Kahin

 

Abhi Ek Shor Sa Utha Hai Kahin

Koi Khaamosh Ho Gaya Hai Kahin

Hai Kuch Aisa Ke Jaise Yeh Sab Kuch

Is Se Pehle Bhi Ho Chuka Hai Kahin

Tujh Ko Kya Ho Gaya Hai Ke Cheezon Ko

Kahin Rakhta Hai, Dhoondhta Hai Kahin

Jo Yahaan Se Kahin Na Jaata Tha

Woh Yahaan Se Chala Gaya Hai Kahin

Aaj Shamshaan Ki Si Boo Hai Yahan

Kya Koi Jism Jal Raha Hai Kahin

Hum Kisi Ke Nahin Jahaan Ke Siwa 

Aisi Woh Khaas Baat Kya Hai Kahin

Tu Mujhe Dhoondh Main Tujhe Dhoondhoon

Koi Hum Main Se Rah Gaya Hai Kahin

Kitni Wahshat Hai Darmiyaan-E-Hujoom

Jis Ko Dekho, Gaya Huwaa Hai Kahin

Main To Ab Shahr Mein Kahin Bhi Nahin

Kya Mera Naam Bhi Likha Hai Kahin

Isi Kamre Se Koi Ho Ke Widaa

Isi Kamre Main Chhup Gaya Hai Kahin

Mil Ke Har Shakhs Se Huwa Mehsoos

Mujh Se Yeh Shakhs Mil Chuka Hai Kahin

------------------------------------