Meer Taqi Meer - Salam

Ai Badakhshan-E-Nabi Ke La'l-O-Ahmar Assalam 

Ai Gulistaan-E-Ali Ke Laala-E-Tar Assalam 

Ek Sa'et Hi Mein Ummat Phir Gayi Nana Ki Sab

Kya Qayamat Laayi Tere Sar Ke Ooper Assalam

Boond Bhar Paani Na Darya Par Tujhe Peene Diya

Ai Tamanna-E-Dil-E-Saqi-E(Kausar Assalam

Sab Kinare Lag Gaye Tu Bahr-E-Khoon Mein Gharq Hai

Ai Kanaar-E-Mustafa Ke Naaz Parwar Assalam

Tu To Shaah-E-Deen Tha Aisa Aaj Bekas Kyon Huwa

Ab Na Tan Par Sar Hai Ne Sar Par Hai Afsar Assalam

Baat Ko Be Pardah Kahiye Kis Tarah Ab Haaye Haaye

Hain Haram Ke Log Ab Muhtaj E Chadar Assalam

Kya Sitam Keshan Bayan Teri Kare Dil Khasta Meer

Naam Tera Sun Ke Aankhen Hoti Hain Tar Assalam

——-----------------------------