Meer- Manind-E-Shama-E-Majlis

Manind-E-Shama-E-Majlis Shab Ashk-Baar Paaya

Al-Qissa ‘Meer’ Ko Hum Ne Be-Ikhtiyar Paaya

Shahar-E-Dil Ek Muddat Ujda Basa Ghamon Mein

Aakhir Ujaad Dena Us Ka Qaraar Paaya

Itna Na Dil Se Milte Na Dil Ko Kho Ke Rehte

Jaisa Kiya Tha Hum Ne Vaisa Hi Yaar Paaya

Ahwal Ḳhush Unhon Ka Ham-Bazm Hain Jo Tere

Afsos Hai Ki Ham Ne Waan Ka Na Baar Paaya

Jeete Jo Zo’f Ho Kar Zaḳhm-E-Rasa Se Us Ke

Seene Ko Chaak Dekha Dil Ko Figaar Paaya

Kya Aitabar Yan Ka Phir Us Ko Khwaar Dekha

Jis Ne Jahaan Mein Aa Kar Kuch Aitabar Paaya

Aahon Ke Sho’le Jis Jaa Uththe They ‘Meer’ Se Shab

Waan Ja Ke Subah Dekha Musht-E-Ghubar Paaya