• Breaking News

    22 October 2011

    Shakeel - Mere Ham-Nafas, Mere Hamnawa, Mujhe Dost Banake

    Mere Ham-Nafas, Mere Hamnawa

    Mere Ham-Nafas, Mere Hamnawa, Mujhe Dost Banake Daga Na De
    Main Hoon Dard-E-Ishq Se Jaanvalab, Mujhe Zindegi Ki Dua Na De

    Mere Daag-E-Dil Se Hai Roshni, Usi Roshni Se Hai Zindegi
    Mujhe Dar Hai Aye Mere Charagar, Ye Charaag Tu Hi Bujha Na De

    Mujhe Chod De Mere Haal Par, Tera Kya Bharosa Hai Chaaragar
    Ye Teri Nawaazish-E-Mukhtasar, Mera Dard Aur Bada Na De

    Mera Azm Itna Buland Hai Ke Paraaye Sholon Ka Dar Nahin
    Mujhe Khauf Aatish-E-Gul Se Hai, Ye Kahin Chaman Ko Jala Na De

    Wo Uthe Hain Leke Khum-O-Subu, Arey O 'Shakeel' Kahaan Hai Tu
    Tera Jaam Lene Ko Bazm Main Koi Aur Haath Bada Na De

    ------------------------------

    No comments:

    Post a Comment

    Mushaira

    Video

    Topic Shayari

    Stats