• Breaking News

    24 May 2012

    Bosa Shayari

    bosa shayari



    Bosa Jo Rukh Ka Nahin Dete Lab Ka Deejiye
    Hai Ye Misl-E-Phool Nahin Pankhadi Sahi

    [Zauq]

    ***********************************


    Saadgi Dekh Ki Bose Ki Havas Rakhta Hoon
    Jin Labon Se Ki Mayassar Nahin Dushnaam Mujhe

    [Mushafi]

    ***********************************


    Koi Moonh Choom Legaa Is Naheen Par
    Shikan Rah Jaaegi Yoon Hi Jabeen Par

    [Riaz Khairabadi]

    ***********************************


    Shaq Un Ko Tha Ki Raat Mein Bosa Na Le Koi
    Gaalon Pe Rakh Ke Soye Kalaai Tamaam Raat

    [Unknown]

    ***********************************


    Ghair Len Mahfil Men Bose Jaam Ke
    Ham Rahen Yoon Tashna-Lab Paighaam Ke

    [Mirza Ghalib]

    ***********************************


    Bosa Dete Nahin Aur Dil Pe Hai Har Lahza Nigaah
    Jee Mein Kahte Hain Muft Aaye To Maal Achchha Hai

    [Mirza Ghalib]

    ***********************************


    Sohbat Mein Ghair Ki Na Padi Ho Kahin Ye Khoo
    Dene Lagaa Hai Bosa Baghair Iltijaa Kiye

    [Mirza Ghalib]

    ***********************************


    Dikha Ke Jumbish-E-Lab Hi Tamaam Kar Ham Ko
    Na De Jo Bosa To Moonh Se Kahin Javaab To De

    [Mirza Ghalib]

    ***********************************


    Kya Khoob Tum Ne Ghair Ko Bosa Nahin Diyaa
    Bas Chup Raho Hamaare Bhi Moonh Mein Zabaan Hai

    [Mirza Ghalib]

    ***********************************


    Bosa Kaisa Ye Hi Ghaneemat Hai
    Ke Na Samjhe Vo Lazzat-E-Dushnaam

    [Mirza Ghalib]

    ***********************************


    Aankhen Meri Talvon Se Mal Jaae To Achchha
    Hai Hasrat-E-Paa-Bos Nikal Jaae To Achchha

    [Zauq]

    ***********************************


    Kya Taab Kya Majaal Hamaari Ki Bosa Len
    Lab Ko Tumhaare Lab Se Milaakar Kahe Baghair

    [Bahadur Shah Zafar]

    ***********************************


    Jaan Kar Sota Tujhe Vo Qasa-E-Paa-Bosi Meraa
    Aur Tera Thukra Ke Sar Vo Muskuraana Yaad Hai

    ***********************************


    Yaar Tha Gulazaar Tha Baad-E-Sabaa Thi Main Na Tha
    Laayaq-E-Paa-Bos-E-Jaan Kya Hina Thi Main Na Tha

    [Bahadur Shah Zafar]

    ***********************************


    Karte Ho Mujh Ko Manaa-E-Qadam-Bosi Kis Liye
    Kya Aasmaan Ke Bhi Baraabar Nahin Hoon Main

    [Mirza Ghalib]

    ***********************************


    Kahin Bose Ki Mat Jurrat Dila! Kar Baithiyo Un Se
    Abhi Is Had Ko Vo Kaifi Nahin Hoshiyaar Baithe Hain

    [Insha]

    ***********************************


    Bose Ki Hai To Khvaahish Par Kahiye Kyon Ke Us Se
    Jis Se Mizaaj-E-Lab Par Harf-E-Savaal Baandhe

    [Mirza Sauda]

    ***********************************


    Aaj Bose Un Ke Gin Gin Ke Liye
    Din Gine Jaate The Is Din Ke Liye

    [Qavi Amrohi]

    ***********************************


    Bosa Dene Mein Jo Poochha Ki Bigadta Kya Hai
    Bose Lene Mein Kaho Aap Ko Milta Kya Hai

    [Unknown]

    ***********************************


    Be Ginti Bosey Liye Gaye Rukh-E-Dil Pasand Ke
    Aashiq Tere Padhe Nahin Ilm-E-Hisaab Ko

    [Aatish]

    ***********************************


    Bosa Mujh Ko Nahi Dete Ho To Jhidki Hi Sahi
    Nahin Darwaaza Jo Khul Sakta To Khidki Hi Sahi

    ['Insha']

    ***********************************


    Bosa Jo Talab Main Ne Kiya Hans Ke Vo Bole
    Ye Husn Ki Daulat Hai Lutaai Nahin Jaati

    [Unknown]

    ***********************************


    Lipta Jo Bosa Le Ke To Bole Ki Dekhiye
    Ye Doosri Khata Hai Vo Pahla Qusoor Tha

    [Unknown]

    ***********************************


    Le Lo Bosa Apna Vaapas Kis Liye Takraar Ki
    Kya Koi Jaageer Ham Ne Chheen Li Sarkaar Ki

    [Akbar Meeruti]

    ***********************************


    Sawaal-E-Bosa Ko Taala Jawaab-E-Cheen-E-Abroo Se
    Baraat-E-Aashiqaan Par Shaakh-E-Aahoo Is Ko Kahtey Hain

    [Ghalib]

    **********************************


    Bosa Liya Jo Chashm Ka Beemar Ho Gaye
    Zulfen Chhuyin, Bala Mein Giraftaar Ho Gaye

    [Hairat Allahabadi]

    **********************************


    Kaun Kehta Hai Ke Bosa Do Hamen
    Munh Faqat Rakh Lene Do Rukhsaar Par

    [Nama'loom]

    **********************************


    Dhamaka Ke Bosa Loon Ga Rukh-E-Rashk-E-Maah Ka
    Chanda Vasool Hota Hai Saahab Dabaav Se

    [Akbar Allahabadi]

    ***********************************


    Ek Bose Ke Talab-Gaar Hain Ham
    Aur Maangen To Gunah-Gaar Hain Ham

    [Zar Azeemabadi]

    **********************************


    Kand-E-Lab Ka Un Ke Bosa Be-Takalluf Le Liyaa
    Gaaliyaan Khaain Bala Se Moonh To Meetha Ho Gaya

    [Maftoon Dehlvi]

    ***********************************


    Bosa Hum Lete Rahein, Tum Gaaliyaan Dete Ho
    Dil Hi Dil Mein Phir Hisaab-E-Dostaan Hojaayega

    [Aagha Shair]

    ***********************************


    Agar Ek Le Liya Bosa Khataa Is Ko Nahin Kehte
    Mohabbat Kehte Hain Tark-E-Haya Is Ko Nahin Kehte

    [Tasweer Dehlvi]

    ***********************************


    Le Liya Jo Bosa Maine Bandah-Parwar Kya Hua
    Pyar Mein Lab Rakhdiye Pyaare Labon Par Kya Hua

    [Rakhshan]

    ***********************************


    Hum To Kyon-Kar Kahein Ke Bosa Do
    Gar Inaayat Karo Inaayat Hai

    [Hakim Dehlvi]

    ***********************************


    Wasl Ki Shab Aap Boson Par Khafa Hone Lage
    Kya Maze Ki Baat Thi Kyon Bad-Maza Hone Lage

    [Unknown]

    ***********************************

    1 comment:

    1. A very nice collection of assorted real Urdu sher
      My compliments.

      ReplyDelete

    Mushaira

    Video

    Topic Shayari

    Stats