Vasl Shayari

vasl shayari



Savaal-E-Vasl Par Un Ko Udoo Ka Khauf Hai Itnaa
Dabe Honthon Se Dete Hain Javaab Aahista Aahista

[Ameer Minai]

***********************************


Vasl Kaa Din Aur Itnaa Mukhtasar
Din Gine Jaate The Jis Din Ke Liye

[Ameer Minai]

***********************************


Shab-E-Vasl Kya Mukhtasar Ho Gai
Ke Aate Hi Aate Sahar Ho Gai

[Ameer Minai]

***********************************


Vasl Ki Raat Chali Ek Na Shokhi Un Ki
Kuchh Na Ban Aai To Chupke Se Kaha Maan Gaye

[Hasrat Mohani]

***********************************


Vasl Ki Banti Hain In Baaton Se Tadbeeren Kahin,
Aarzuon Se Phira Karti Hain Taqdeeren Kahin.

[Hasrat Mohani]

***********************************


Kis Lutf Se Jhunjhla Ke Vo Kahte Hain Shab-E-Vasl
Zaalim Teri Aankhon Se Gai Neend Kidhar Aaj

[Ameer Minai]

***********************************


Idhar Dekho Hayaa Kaisi Shab-E-Vasl
Uthaao Bhi Ye Parda Darmiyaan Se

[Ameer Minai]

***********************************


Phir Baithe Baithe Waada-E-Vasl Us Ne Kar Liya,
Phir Uth Khara Hua Wohi Rog Intezaar Ka.

[Ameer Minai]

***********************************


Vasl Mein Khaali Hui Aghiaar Se Mahfil To Kya,
Sharm Bhi Jaaye To Main Jaanoon Ke Tanhaai Hui.

[Ameer Minai]

***********************************


Baaham Shab-E-Visaal Uthaaye Hain Kya Maze
Vo Bhi Ye Kah Rahe Hain Ilaahi Sahar Na Ho

[Riaz Khairabadi]

***********************************


Vasl Mein Rang Ud Gayaa Mera
Kya Judaai Ko Moonh Dikhaaoon Ga

[Meer Taqi Meer]

***********************************


Vasl Is Ka Khudaa Naseeb Kare
‘Meer’ Jee Chaahta Hai Kya Kya Kuchh

[Meer Taqi Meer]

***********************************


Vasl-O-Hijran, Yeh Jo Do Manzilen Hain Ishq Ki,
Dil Gharib In Mein Khuda Jaane Kahan Maara Gaya

[Meer Taqi Meer]

***********************************


Kisi Se Vasl Mein Sunte Hi Jaan Sookh Gai
Chalo Hato Bhi Hamaari Zabaan Sookh Gai

[Riaz Khairabadi]

***********************************


Main Is Liye Manaata Nahin Vasl Ki Khushi
Mere Raqeeb Ki Na Mujhe Bad-Duaa Lage

[Qateel Shifai]

***********************************


Yaas Ki Basti Mein Ek Chhoti Si Ummeed-E-Visaal
Ajnabi Ki Tarah Phirti Hai Ghabaraai Hui

[Hafeez Jalundhari]

***********************************


Vo Ek Raat Guzar Bhi Gai Magar Ab Tak
Visaal-E-Yaar Ki Lazzat Se Toot Raha Hai Badan

[Ahmed Faraz]

***********************************


Main Muztarib Hoon Vasl Mein Khauf-E-Raqib Se
Daalaa Hai Tum Ko Vaham Ne Kis Pech-O-Taab Ne

[Mirza Ghalib]

***********************************


Yeh Na Thi Hamari Qismat Ke Visaal-E-Yaar Hota,
Agar Aur Jeete Rahte Yehi Intezaar Hota

[Mirza Ghalib]

**********************************


Mere Ji Mein Hai ‘Ghalib’, Zauq-E-Vasl-O-Shikwa-E-Hijraan,
Khuda Woh Din Kare Ke Us Se Main Yeh Bhi Kahun Woh Bhi.

[Mirza Ghalib]

***********************************


Nai Muzhda-E-Visaal, Na Nazzara-E-Jamaal,
Muddat Hui Ke Aashti-E-Chashm-O-Gosh Hai.

[Mirza Ghalib]

***********************************


Yaar Sè Chher Chali Jaaye, ‘Asad’,
Gar Nahin Vasl To Hasrat Hi Sahi.

[Mirza Ghalib]

***********************************


Khush Hote Ham Par Vasl Mein Yoon Mar Nahin Jaate,
Aai Shab-E-Hijrasn Ki Tamanna Merey Aage

[Mirza Ghalib]

***********************************


Vasl Mein Gar Ho Mujhe Rooyet-E-Maah-E-Rajab
Roo-E-Jaanaan Hi Ko Dekhoon Main To Quraan Chhor Kar

[Ghalib]

***********************************


Zaraa Visaal Ke Baad Aainaa To Dekh Ai Dost
Tere Jamaal Ki Doshizgi Nikhar Aai

[Firaq Gorakhpuri]

***********************************


Kabhi Jo Yoon Bhi Milo Tum To Meharbani Hai,
Gharaz Woh Vasl Ka Wa’da To Dar-Kinaar Raha.

[Firaq Gorakhpuri]

***********************************


Is Liye Vasl Se Inkaar Hai Ham Jaan Gaye
Ye Na Samjhe Koi Kya Jald Kaha Maan Gaye

[Daagh Dehlvi]

***********************************


Shab-E-Vasl Aisi Khili Chaandni
Vo Ghabraa Ke Bole Sahar Ho Gai

[Daagh Dehlvi]

***********************************


Di Mu'azzin Ne Shab-E-Vasl Azaan Pichhli Shab
Haaye Kambakht Ko Kis Vaqt Khuda Yaad Aaya

[Daagh Dehlvi]

*********************************


Vasl Ke Aish Mein Sab Hijr Ke Gham Bhool Gaye
Yaad Rakhna Tha Hamein Jisko Woh Ham Bhool Gaye

Waada-E-Vasl Qayaamat Mein Bhi Na Hoga Wafa
Waah Bhi Kahiye Ga, ‘Tere Sar Ki Qasam Bhool Gaye’

[Daagh Dehlvi]

**********************************


Thi Shab-E-Vasl Kis Qadar Kotaah
Shaam Guzri Ki Bas Sahar Aayi

[Daagh Dehlvi]

***********************************


Karte Ho Ahad-E-Wasl To Itna Rahe Khayaal
Paimaan Se Zyada Hai Na-Paaydaar Dil

[Daagh Dehlvi]

************************************


Ajab Apanaa Haal Hotaa Jo Visaal-E-Yaar Hotaa
Kabhi Jaan Sadaqe Hoti Kabhi Dil Nisaar Hotaa

[Daagh Dehlvi]

************************************


Hansaa Hansaa Ke Shab-E-Wasl Ashk-Baar Kiyaa
Tasalliyaan Mujhe De-De Ke Beqaraar Kiyaa

[Daagh Dehlvi]

************************************


Shab-E-Vasl Li Unki Itni Balaayein
Ki Hamdam Mere Saath Hi Jaante Hain

[Daagh Dehlvi]

***********************************


Shab-E-Vasl Zid Mein Basar Ho Gai,
Nahin Karte Karte Sahr Ho Gai.

[Daagh Dehlvi]

***********************************


Shab-E-Vasl Ki Bekhudi Chhaa Rahi Hai
Kaho To Sitaaron Ki Shama’en Bujhaa Den

Vo Aayenge Aaj Ai Bahaar-E-Muhabbat
Sitaaron Ke Bistar Men Kaliyaan Bichha Den

[Abdul Hameed Adam]

***********************************


Bal Be Ayyari Adu Ke Aage Wo Paimaan Shikan
Waada-E-Vasl Phir Karta Tha Aur Sharmaae Tha

[Momin]

***********************************


Vasl Ki Shab Thi To Kis Darja Subak Guzri Hai
Hijr Ki Shab Hai To Kya Sakht Garaan Guzri Hai

[Faiz]

************************************


Mai Aur Haz-E-Wasl, Khuda-Saaz Baat Hai
Jaan Nazr Deni Bhool Gaya Iztiraab Mein

[Ghalib]

***********************************


Main Is Liye Manaataa Nahin Wasl Ki Khushi
Mere Raqeeb Ki Na Mujhe Bad-Duaa Lage

[Qateel Shifai]

************************************


Sad-Afsos, Jaati Rahi Vasl Ki Shab,
Zara Thahar, Ai Be-Wafa, Kahte Kahte.

[Momin]

***********************************


Aaye To Yoon Ke Jaise Hamesha They Meharbaan,
Bhoole To Yoon Ke Goya Kabhi Ashna Na They.

[Faiz Ahmad Faiz]

***********************************


Visaal Tera, Khyaal Tera, Jo Ho To Kyonkar, Na Ho To Kyonkar,
Na Tujh Pe Kuchh Ikhtiyar Mera, Na Dil Pe Kuchh Ikhtiyar Mera.

[Fani]

***********************************


Vasl-E-Madaam Se Bhi Hamari Bujhi Na Pyaas,
Doobe Hum Aab-E-Khizr Mein Aur Neem-Jaan Rahe.

[Hali]

***********************************


Vasl-E-Jaanaan Mein Nazar Aayaamah-E-Sha'baan Mujhe
Sabza Kya Dekhoon Kht-E-Rukhsar-E-Jaanaan Dekh Kar

[Nasikh]

***********************************


Sawaal-E-Vasl Par Hilna Pari-Roo Tere Abroo Ka
Ishaara Hai Baraat-E-Aashiqaan Par Shaakh-E-Aahoo Ka

[Nasikh]

***********************************


Shab-E-Vasl Thi Chandni Ka Samaan Tha
Baghal Mein Sanam Tha Khuda Meherbaan Tha

[Aatish]

***********************************


Woh Kabhi Aariz Dikhaate Hain Kabhi Zulf-E-Siyah
Vasl Ka Va'da Rahega Ya'ni Subh-O-Shaam Par

[Hairat Allahabai]

***********************************


Uff Woh Roo-E-Taabnaak Woh Chashm-E-Tar Mere Liye
Haaye Woh Zulf-E-Pareshaan Taa-Kamar Mere Liye

Uff Woh Kahna Us Ka Phir Baanhon Mein Baanhen Daal Kar
Main 'Jigar' Ke Waaste Hoon Aur Jigar Mere Liye

[Jigar Moradabadi]

***********************************


Wajd Mein Gin Raha Hoon Naqsh-E-Firaaq
Vasl Ki Daalion Pe Kushboo Se

[Kalim Akhtar]

***********************************


Firaq Se Bhi Gaye Hum Visal Se Bhi Gaye,
Subuk Huye Hain To Aish-E-Malal Se Bhi Gaye

[Aziz Hamid Madni]

***********************************

Post a Comment

0 Comments

–>