• Breaking News

    21 May 2012

    Zahid Shayari

    zahid shayari


     
    Masjid Mein Bulaate Hain Hamein Zaahid-E-Naa-Fahm
    Hotaa Kuchh Agar Hosh To Maikhaane Na Jaate

    [Ameer Minai]

    **************************************


    Sab Hasin Hain Zaahidon Ko Naa-Pasand
    Ab Koi Hoor Aaye Gi In Ke Liye

    [Ameer Minai]

    **************************************


    Josh-E-Rahmat Ke Vaaste Zaahid
    Hai Zaraa Si Gunah-Gaari Shart

    [Daagh Dehlvi]

    **************************************


    Lutf-E-Mai Tujh Se Kya Kahoon Zaahid
    Haaye Kambakht Toone Pee Hi Nahin

    [Daag Dehlvi]

    **************************************


    Zaahid Maza To Jab Hai Azaab-E-Savaab Ka
    Dozakh Mein Baada-Kash Na Ho Jannat Mein Too Na Ho

    [Daagh Dehlvi]

    **************************************


    Dekh Us Chashm-E-Mast Ko Zaahid
    Tujh Se Itni Bhi Pee Nahin Jaati

    [Daagh Dehlvi]

    **************************************


    Mol Jannat Ka Hua Naqd-E-Ibaadat Zaahid
    Haaye Kahin Maal Kahin Daam Liye Jaate Hain

    [Daagh Dehlvi]

    **************************************


    Jo Mai-Farosh Se Sauda Bane To Kar Lena
    Kami Ho Hazrat-E-Zaahid Vo Ham Se Bhar Lena

    [Daagh Dehlvi]

    **************************************


    Aashiqi Se Mile Ga Ai Zaahid
    Bandagi Se Khuda Nahin Milta

    [Daagh Dehlvi]

    **************************************


    Apni Tasbeeh Rahne De Zaahid
    Daana-Daana Shumaar Kaun Kare

    [Daagh Dehlvi]

    **************************************


    Hua Hai Chaar Sajdon Par Ye Daava Zaahido Tum Ko
    Khuda Ne Kya Tumhaare Haath Jannat Bech Daali Hai

    [Daagh Dehlvi]

    **************************************


    Is Tauba Par Hai Naaz Mujhe Zaahid Is Qadar
    Jo Toot Kar Shareek Hoon Haal-E-Tabaah Mein

    [Daagh Dehlvi]

    **************************************


    Ai Shaikh Jo Bataaye Mai-E-Ishq Ko Haraam
    Aise Ke Do Lagaaye Bhigo Ke Sharaab Mein

    [Daagh Dehlvi]

    **************************************


    Yun To Barson Na Pilaaoon Na Piyoon Zaahid
    Tauba Karte Hi Badal Jaati Hai Niy’yat Meri

    [Daagh Dehlvi]


    **************************************


    Zaahid Sharaab Peene De Masjid Mein Baith Kar
    Ya Woh Jagah Bata De Jahan Par Khuda Na Ho

    [Daagh Dehlvi]

    **************************************


    Duniya Ki Yahi Rasm Hai, Romi Ho Ya Shaami
    Sultaan Ki Ghulaami, Kahin Mulla Ki Ghulaami

    [Unknown]

    **************************************


    Zaahid Ye Meri Shokhi-E-Rindaana Dekhna
    Rahmat Ko Baaton Baaton Mein Bahla Ke Pi Gaya

    [Jigar Moradabadi]

    **************************************


    Zahid Ka Dil Na Khatir-E-Mai-Khwaar Toriye
    Sau Baar Tauba Keejiye Sau Baar Toriye

    [Jigar Moradabadi]

    **************************************


    Hajw-E-Mai Ne Tera Ai Shaikh Bharam Khol Diya
    Too, To Masjid Mein Hai Neeyat Teri Maikhaane Mein

    [Jigar Moradabadi]

    **************************************


    Ai Mustahib! Na Phenk, Mere Mustahib Na Phenk
    Zalim! Sharab Hai, Arey Zalim Sharab Hai

    [Jigar Moradabadi]

    **************************************


    Bazm-E-Saqi Mein Zara Dekh To Chal Kar Zahid
    Kya Bahaaren Hain Chhalakte Huwe Paimaane Mein

    [Jigar Moradabadi]

    **************************************


    Zahid Kuchh Aur Ho Na Ho Maikhane Mein Magar
    Kya Kam Yeh Hai Fitna-E-Dair-O-Haram Nahin

    [Jigar Moradabadi]

    **************************************


    Gunaahgar Ke Dil Se Nab Ach Ke Chal Zahid
    Yehin Kahin Teri Jannat Bhi Paayi Jaati Hai

    Sukoon Hai Maut Yahaan Zauq-E-Justujoo Ke Iye
    Yeh Tishnagi Who Nahin Jo Bujhaai Jaati Hai

    [Jigar Moradabadi]

    **************************************


    Jahaan Se Raasta Bhoola Hai Baarahaa Zaahid
    Vahin Se Raah Mudi Hai Sharaab-Khaane Ki

    [Asar Lucknawi]

    **************************************


    Rind-E-Kharaab-Haal Ko Zaahid Na Chhed Too
    Tujh Ko Paraai Kya Padi Apni Nibhed Too

    [Ibrahim Zauq]

    **************************************


    Zaahid Sharaab Peene Se Kaafir Hua Main Kyoon
    Kya Derh Chulloo Paani Mein Imaan Bah Gayaa

    [Ibrahim Zauq]

    **************************************


    Samajhaata Kya Hai Too Deevaan-Gaan-E-Ishq Ko Zaahid
    Ye Ho Jaayenge Jis Jaanib Usi Jaanib Khuda Hogaa

    [Jigar Moradabadi]

    **************************************


    Sach Kaha Tha Too Ne Zaahid Zahr-E-Qaatil Hai Sharaab
    Ham Bhi Kahte The Yahi Jab Tak Bahaar Aai Na Thi

    [Jaleel Manikpuri]

    **************************************


    Gar Yaar Mai Pilaaye To Phir Kyon Na Peejiye
    Zaahid Nahin Mian Shaikh Nahin Kuchh Vali Nahin
    [Insha]

    **************************************


    Bachen Ge Hazrat-E-Zaahid Kahin Baghair Piye
    Hamaare Haath Lage Hain Janaab Barason Men

    [Unknown]

    **************************************


    Zaahid Ne Mera Haasil-E-Imaan Nahin Dekha
    Rukh Par Teri Zulfon Ko Parishaan Nahin Dekha

    [Asghar Gondvi]

    **************************************


    Botal Khuli Ko Hazrat-E-Zaahid Ke Vaaste
    Maare Khushi Ke Kaag Bhi Do Gaz Uchhal Gayaa

    [Qasr Dehlvi]

    **************************************


    Baithataa Hai Hameshaa Rindon Men
    Kahin Zaahid Vali Na Ho Jaaye

    [Bekhud Dehlvi]

    **************************************


    Pee Bhi Le Do Ghoont Zaahid Pee Bhi Le
    Maikade Se Kaun Pyaasaa Jaaye Ga

    [Bekhud Dehlvi]

    **************************************


    Zaahidon Ko Kisi Ka Khauf Nahin
    Sirf Kaali Ghataa Se Darte Hain

    [Shakeel Badayuni]

    **************************************


    Zaahid Kuchh Aur Ho Na Ho Mai-Khaane Mein Magar
    Kyaa Kam Ye Hai Ki Shikva-E-Dair-O-Haram Nahin

    [Jigar Moradabadi]

    **************************************


    Hooron Ki Talab Aur Mai-O-Saghar Se Hai Nafrat
    Zaahid Tere Irfaan Se Kuch Bhool Hui Hai

    [Hafeez Jalandhri]

    *****************************


    Bhaari Bahut Hai Laaoon Ga Roz-E-Jaza Main Rind
    Rakhwa Ke Sar Pe Shaikh Ke Gathri Gunaah Ki

    [Ameer Minai]

    *****************************


    Ghaat Mein Mustahib Ko Rahne Do
    Mast Bhi Hoshiaar Rahte Hain

    [Ameer Minai]

    *****************************


    Qatl Moozi Ka To Shar’an Hai Durust
    Naaseh Ab Tak Kyon Salaamat Rah Gaya

    [Ameer Minai]

    *****************************


    Hamari Raaye Mein Behtar Hai Mai-Kashi Ko Sabaah
    Ab Aage Qaazi-O-Mufti-O-Mustahib Ki Salaah

    [Ameer Minai]

    *****************************


    Shaikh Ji Mar Gaye Hain Unn Ke Mureed
    Habs-E-Dam Ka Gumaan Karte Hain

    [Ameer Minai]

    *****************************


    Tujhe Kya Ham Jo Wasf-E-Saqi-E-Gulfam Karte Hain
    Too Apna Kaam Kar Vaaiz Ham Apna Kaam Karte Hain

    [Ameer Minai]

    *****************************


    Na Vaaiz Hajw-E-Mai Kar Ek Din Duniya Se Jaana Hai
    Are Munh Saaqi-E-Kausar Ko Bhi Aakhir Dikhana Hai

    [Ameer Minai]

    *****************************


    Masjid Mein Bulaata Hai Hamein Zaahid-E-Naa-Fahm
    Hota Kuchh Agar Hosh To Mai-Khane Na Jaate

    [Ameer Minai]

    *****************************


    Majlis-E-Wa’az Mein Aana To Na Mumkin Tha ‘Ameer’
    Ham Ko Thaame Huwe Yaan Dast-E-Esuboo Laayaa Hai

    [Ameer Minai]

    *****************************


    Samjha Na Main To Hazrat-E-Naseh Ki Ek Baat
    Kuch Khud Hi Woh Kaha Kiye Khud Hi Suna Kiye

    [Ameer Minai]

    *****************************


    Koi Dam Be-Takalluf Ho Ke Maston Mein Agar Baithe
    To Jo Kuchh Arsh Par Hai Dekh Le Zahid Wo Ghar Baithe

    [Ameer Minai]

    *****************************


    Vaayez Ko Tum To Dekhte Hi Hans Pade ‘Ameer’
    Baatein To Inn Buzurg Ki Tum Ne Suni Nahin

    [Ameer Minai]

    *****************************


    Rindo Jo Milo Hazrat-E-Qazi Se To Dab Ke
    Samjho Ki Buzurgon Mein Hain Yeh Bint-E-Anb Ke

    [Ameer Minai]

    *****************************


    Hajw-E-Mai Ho Chuki Membar Se Ab Utrein Neeche
    Rind Kuchh Hazrat-E-Vaayez Se Hain Kahne Waale

    [Ameer Minai]

    *****************************


    Hazrat-E-Naaseh Yahan Aaye They Aaj
    Der Tak Kuchh Baithe Jhak Maara Kiye

    [Ameer Minai]

    *****************************


    Hai Dukhtar-E-Raz Halaal Tujhe Kya Tameez Hai
    Vaayez Yeh Zar-Khareed Hamari Kaneez Hai

    [Ameer Minai]

    *****************************


    Zahid Umeed-E-Rahmat-E-Haq Aur Hajw-E-Mai
    Pahle Sharab Pee Ke Gunah-Gaar Bhi To Ho

    [Ameer Minai]

    *****************************


    Zahid Wa Wa’az Ki Majlis Se Kise Hai Inkaar
    Tum Chalo Pee Ke Main Aaya Abhi Maikhaane Se

    [Ameer Minai]

    *****************************


    Taqwa Kahan Ka Jaam Chale Aaj Zaahido
    Kharqe Utaar Utaar Ke Bhathhi Mein Jhonk Do

    [Ameer Minai]

    *****************************


    Bhaari Bahut Hai Laaoon Ga Roz-E-Jaza Main Rind
    Rakhwa Ke Sar Pe Shaikh Ke Gathri Gunaah Ki

    [Ameer Minai]

    *****************************


    Bazm-E-Waaiz Be-Sharaan Achchhe Nahin
    Aise Jalase Be-Sharaab Achchhe Nahin

    [Daagh]

    *****************************


    Tauba Kar Lein Ham May-O-Maashooq Se
    Be-Mazaa Hain Ye Sawaab Achchhe Nahin

    [Daagh]

    *****************************


    Dekha Hai But-Kade Main Jo Ai Shekh Kuch Na Kuch
    Eimaan Ki To Ye Hai Ki Eimaan To Gaya

    [Daagh]

    *****************************


    Hai Khabar Garm Ke Phirta Hai Gurezaan Naaseh
    Guftagu Aaj Sar-E-Ku-E-Butaan Thahri Hai

    [Faiz]

    *****************************


    Ik Din Jo Sar-E-Rah Mile Hazrat-E-Zahid
    Phir Chid Gaie Baaton Mein Wohi Baat Puraani

    Farmaaya, Shikaayat Woh Mohabbat Ke Sabbab Thi
    Thaa Farz Meraa, Raah Shariya't Ki Dikhaani

    [Allama Iqbal]

    *****************************


    Zahid Ko Ta’jjub Hai,Soofi Ko Tahaiyur Hai,
    Sad Shak-E-Tariqat Hai,Ik Laghzish-E-Mastana,

    [Asghar Gondvi]

    *****************************


    Dikhaoon Ga Tujhe Zahid Us Aafat-E-Jaan Ko
    Khala Dimagh Mein Tere Hai Paarsaai Ka

    [Sauda]

    *****************************


    Zahid Sabhi Hain Nemat-E-Haq Jo Hai Aql-O-Sharb
    Lekin Ajab Maza Hai Sharaab-O-Kabaab Ka

    [Sauda]

    *****************************

    Gar Ho Sharaab-O-Khilwat-O-Mahboob-E-Khoobroo,
    Zaahid Qasam Hai Tujh Ko Jo Tu Ho To Kya Kare.

    [Sauda]

    *****************************


    Zauq, Jo Madarse Ke Bigde Hue Hain Mullah,
    Un Ko Maikhane Mein Le Aao, Sanwar Jaayen Ge

    [Zauq]

    *****************************

    No comments:

    Post a Comment

    Mushaira

    Video

    Topic Shayari

    Stats