Aitbaar Shayari

Aitbaar shayari




Ghazab Kiya, Tere Vaade Pe Aitabaar Kiya
Tamaam Raat Qayaamat Ka Intezaar Kiya

Fasaana-E-Shab-E-Gham Un Ko Ek Kahaani Thi
Kuchh Aitabaar Kiya Aur Kuchh Na Aitabaar Kiya

Ye Dil Ko Taab Kahaan Hai Ke Ho Maalandesh
Unhon Ne Waada Kiya Ham Ne Aitabaar Kiya

Kuchh Aage Daavar-E-Mahashar Se Hai Ummeed Mujhe
Kuchh Aap Ne Mere Kahne Ka Aitabaar Kiya

[Daagh]

---------------------


Aadatan Tum Ne Kar Diye Vaade
Aadatan Ham Ne Aitbaar Kiya

[Gulzar]

---------------------


Wo Jo Aaye To Khushk Ho Gaye Ashk,
Aaj Gham Ka Bhi Aitbaar Gayaa,

[Khumar Barabankvi]

---------------------


Tumhaare Ahd-E-Vafa Ko Main Ahd Kya Samjhoon
Mujhe Khud Apni Muhabbat Ka Aitbaar Nahin

[Sahir Ludhianvi]

---------------------


Ye Tavahhum Ka Kaarkhana Hai
Yaan Vahi Hai Jo Aitbaar Kiya

[Meer Taqi Meer]

---------------------


Badi Mushkil Se Dil Maayoos Hota Hai Muhabbat Mein,
Kiya Hai Main Ne Ek Paimaan-Shikan Ka Aitbaar Aksar

[Khumar Barabankvi]

---------------------


Too Ne Qasam Mai-Kashi Ki Khaai Hai 'Ghalib'
Teri Qasam Ka Kuchch Aitbaar Nahin Hai !

[Ghalib]

---------------------


Is Tarah Khush Hoon Kisi Ke Wada-E-Farda Pe Main
Dar-Haqeeqat Jaise Mujh Ko Aitbaar Aa Hi Gaya

[Jigar Moradabadi]

---------------------


Na Gul Ko Hai Sabaat Na Ham Ko Aitbaar
Kis Baat Par Chaman Havas-E-Rang-O-Bu Karen

[Meer Dard]

---------------------


Kahaan Wo Ummeed Aamad Aamad Kahan Ye Ifaa-E Ahad-E-Farda
Jab Aitbaar-E-Nazar Na Tha Kuch Ab Aitbaar-E-Nafas Nahin Hai

[Shakeel Badayuni]

---------------------


Aap Ka Aitbar Kaun Kare
Hashr Ka Intezaar Kaun Kare

Ba’d Mein Phir Khizaan Ka Hai Khatka
Aarzoo-E-Bahaar Kaun Kare

Yak Ba-Yak Pher Li Nazar Tum Ne
Tum Par Ab Aitbaar Kaun Kare

Din Hai Tareek Jab Nigahon Mein
Farq Lail-O-Nahaar Kaun Kare

---------------------

Post a Comment

1 Comments

  1. Excellent post and very informative as well. Your knowledge appears very well on this topic and the way you have explained it, any new person can understand it easily. I would like you to keep writing like this and share your information with us. hp 15.6 business backpack price , lightweight summer blanket ,

    ReplyDelete

–>