Asghar Gondvi- Ye Mujh Se Poochhiye Kya Justajoo Mein Lazzat Hai

Ye Mujh Se Poochhiye Kya Justajoo Mein Lazzat Hai
Fazaa-E-Dahar Mein Tahaleel Ho Gayaa Hoon Main

Hata Ke Shisha-O-Saaghar Hujoom-E-Masti Mein
Tamaam Arsa-E-Aalam Pe Chhaa Gayaa Hoon Main

Udaa Hoon Jab To Falak Pe Liyaa Hai Dam Jaa Kar
Zameen Ko Tod Gayaa Hoon Jo Rah Gayaa Hoon Main

Rahi Hai Khaak Ke Zarron Mein Bhi Chamak Meri
Kabhi Kabhi To Sitaaron Mein Mil Gayaa Hoon Main

Samaa Gaye Meri Nazron Mein Chhaa Gaye Dil Par
Khayaal Karta Hoon Un Ko Ki Dekhtaa Hoon Main

------------------------