Asghar Gondvi -Yeh Raaz Hai Meri Zindagi Ka



Yeh Raaz Hai Meri Zindagi Ka
Pahane Huye Hoon Kafan Khudi Ka

Phir Nashtar-E-Gham Se Chhedte Hain
Ik Tarz Hai Yeh Bhi Dil-Dahi Ka

O Lafz-O-Bayaan Men Chhupane Vaale
Ab Qasd Hai Aur Khaamoshi Ka

Marnaa To Hai Ibtadaa Ki Ik Baat
Jeenaa Hai Kamaal Muntahi Ka

Haan Seenaa Gulon Ki Tarah Kar Chaak
De Mar Ke Saboot Zindagi Ka

----------------------

Post a Comment

0 Comments

–>