• Breaking News

    14 May 2012

    Bazm Shayari

    bazm shayari


    Vo Aaye Bazm Men Itnaa To 'Meer' Ne Dekha
    Phir Is Ke Baad Chiraaghon Mein Raushni Na Rahi

    [Meer Taqi Meer]

    ***********************************


    Uth Kar To Aa Gaye Hain Teri Bazm Se Magar
    Kuchh Dil Hi Jaanta Hai Kis Dil Se Aaye Hain

    [Faiz Ahmed Faiz]

    ***********************************


    Phir Nazar Men Phool Mahake Dil Men Phir Shammen Jalin
    Phir Tasavvur Ne Liyaa Us Bazm Men Jaane Kaa Naam

    [Faiz Ahmed Faiz]

    ***********************************


    Dil Leke Un Ki Bazm Men Jaayaa Na Jaaye Gaa
    Ye Muddai Baghal Mein Chhupayaa Na Jaaye Gaa

    [Daagh Dehlvi]

    ***********************************


    Dil-E-Muztar Se Poochh Ai Raunaq-E-Bazm
    Main Khud Aayaa Nahin Laayaa Gaya Hoon

    [Shad Azeemabadi]

    ***********************************


    Raunaq-E-Bazm Ban Gaye Lab Pe Hikaayaten Rahin
    Dil Men Shikaayaten Rahin Lab Na Magar Hila Sake

    [Hafeez Jalandhari]

    ***********************************


    Is Shahar Men Kis Se Milen Ham Se To Chhooti Mahfilen
    Har Shakhs Teraa Naam Le Har Shakhs Deevaana Tera

    [Ibne Insha]

    ***********************************


    Shaayad Mujhe Nikaal Ke Pachhata Rahe Hon Aap
    Mahfil Men Is Khayaal Se Phir Aa Gayaa Hoon Main

    [Abdul Hameed Adam]

    ***********************************


    Chal Ai Hamdam Zaraa Saaz-E-Tarab Ki Chhed Bhi Sun Len
    Agar Dil Baith Jaayegaa To Uth Aayenge Mahfil Se

    [Saqib Lucknawi]

    ***********************************


    Mujh Tak Kab Un Ki Bazm Mein Aataa Thaa Daur-E-Jaam
    Saaqi Ne Kuchh Milaa Na Diyaa Ho Sharaab Men

    [Mirza Ghalib]

    ***********************************


    Vo Ek Mulaaqaat Mein Hairaan Kar Gaya
    Vo Bazm Se Gayaa Aur Veeraan Kar Gaya

    [Unknown]

    ***********************************


    Bazm Men Aao Kisi Din Kar Ke Tum Solah Singaar
    Ek Qayaamat Vaqt Se Pahle Bhi Aanaa Chaahiye

    [Murad Lucknawi]

    ***********************************


    Abhi Se Hosh Ude Maslehat-Pasandon Ke
    Abhi Main Bazm Mein Aayaa Abhi Bola Kahaan

    [Unknown]

    ***********************************


    Raunaq-E-Bazm Ban Gaye Lab Pe Hikaayaten Rahin
    Dil Men Shikaayaten Rahin Lab Na Magar Hila Sake

    [Hafeez Jalandhari]

    ***********************************


    Bazm-E-Anjum Ho Ke Bazm-E-Khaak Taa Bazm-E-Khayaal
    Jis Jagah Jaao Sunaai Degi Insaanon Ki Baat

    [Wamiq Jaunpuri]

    ***********************************


    Jama Kar Leejiye Ghamzon Ko Magar Khoobi-E-Bazm
    Bas Vahin Tak Hai Ke Baazaar Na Hone Paaye

    [Shibli]

    ***********************************


    Us Bazm Men Mujhe Nahin Banti Haya Kiye
    Baithaa Rahaa Agar-Che Ishaare Hua Kiye

    [Mirza Ghalib]

    ***********************************


    Boo-E-Gul Naala-E-Dil Dood-E-Charaagh-E-Mahfil
    Jo Teri Bazm Se Niklaa So Parishaan Nikla

    [Mirza Ghalib]

    ***********************************


    Ek Aansoo Ne Duboyaa Mujh Ko Un Ki Bazm Mein
    Boond Bhar Paani Se Saari Aabroo Paani Hui

    [Zauq]

    ***********************************


    Jo Teri Bazm Se Utthaa Vo Is Tarah Uttha
    Kisi Ki Aankh Men Aansoo Kisi Ke Daaman Mein

    [Unknown]

    ***********************************


    Baat Karni Mujhe Mushkil Kabhi Aisi To Na Thi
    Jaisi Ab Hai Teri Mahfil Kabhi Aisi To Na Thi

    [Bahadur Shah Zafar]

    **********************************


    Baagh Kis Kaam Kaa Jis Men Gulon Ko Shamshaad Na Ho
    Lutf Deti Nahin Be-Sheesha-O-Saaghar Mahfil

    [Unknown]

    ***********************************


    Mahafil Se Uth Jaane Vaalo Tum Logon Par Kyaa Ilzaam
    Tum Aabaad Gharon Ke Vaasi Main Aavaara Au Badnaam

    [Unknown]

    ***********************************


    Mahfil-E-Yaaraan Men Divaanon Kaa Aalam Kuchh Na Poochh
    Jaam Haathon Mein Uthaayen To Chhalakna Chaahiye

    [Ibrahim Ashk]

    ***********************************


    Hui Ham Se Khata Teri Mahafil Mein Aa Baithe
    Zamin Ki Khaak Ban Aasmaan Se Dil Lagaa Baithe

    [Unknown]

    ***********************************


    Sunaai Anjuman Men Jab Shab-E-Gham Ki Aap Biti
    Kai Ro Ke Muskuraaye Kai Muskuraa Ke Roye

    [Unknown]

    ***********************************


    Muhabbat Karne Vaale Kam Na Honge
    Teri Mahafil Men Lekin Ham Na Honge

    [Hafeez Hoshiarpuri]

    ***********************************


    Mahafil Men Baar Baar Kisi Par Nazar Gai
    Ham Ne Chhupaai Laakh Magar Usi Par Nazar Gai

    [Agha Bismil]

    ***********************************


    Uth Ke Mahafil Se Mat Chale Jaanaa
    Tum Se Raushan Ye Konaa Konaa Hai

    [Wajida Tabassum]

    ***********************************


    Jab Jaam Diyaa Thaa Saaqi Ne Jab Daur Chalaa Thaa Mahfil Mein
    Vo Hosh Ki Saat Kyaa Kahiye Kuchh Yaad Rahi Kuchh Bhool Gaye

    [Saghar Siddiqui]

    ***********************************


    Tere Hote Huye Mahafil Men Jalate Hain Chiraagh
    Log Kyaa Saada Hain Sooraj Ko Dikhaate Hain Chiraagh

    [Ahmed Faraz]

    ***********************************


    Mahafil Men Log Chaunk Pade Mere Naam Par
    Tum Muskuraa Diye Meri Qeemat Yahi To Hai

    [Hashim Raza]

    ***********************************


    Tanhaa Tanhaa Ham Ro Lenge Mahfil Mahfil Gaayenge
    Jab Tak Aansoo Paas Rahenge Tab Tak Geet Sunaayenge

    [Nida Fazli]

    ***********************************


    Jamaa Kar Lijiye Ghamzon Ko Magar Khoobi-E-Bazm
    Bas Vahin Tak Hai Ke Baazaar Na Hone Paaye

    [Shibli]

    ***********************************


    Bikharaa Padaa Hai Tere Hi Ghar Men Teraa Vajood
    Be-Kaar Mahfilon Men Tujhe Dhoondhtaa Hoon Main

    [Qateel Shifai]

    ***********************************


    Yoon Tadap Kar Dil Ne Tadpaayaa Sar-E-Mahafil Mujhe
    Us Ko Qaatil Kahne Vaale Kah Uthe Qaatil Mujhe

    [Jigar Moradabadi]

    ***********************************

    No comments:

    Post a Comment

    Mushaira

    Video

    Topic Shayari

    Stats