Zulf Shayari

Best Zulf Shayari: Romantic Poetry on Beautiful Tresses

Ada Un Kaale Kaale Gesuon Ki Kuchh Niraali Hai
Banaane Se Bigadte Hain Sanwaare Se Bikharte Hain

[Daagh Dehlvi]

Neend Us Ki Hai, Dimaagh Us Ka Hai, Raaten Us Ki Hain
Teri Zulfen Jis Ke Baazoo Par Parishaan Ho Gaeen

[Mirza Ghalib]

Chehre Pe Mere Zulf Ko Bikhraao Kisi Din
Kyaa Roz Garajate Ho Baras Jaao Kisi Din

[Amjad Islam Amjad]

Bahut Mushkil Hai Duniyaa Ka Sanvaranaa
Teri Zulfon Kaa Pech-O-Kham Nahin Hai

[Majaz Lucknavi]

Hum Huey, Tum Huey, Ke Meer Huey,
Us Ki Zulfon Ke Sab Aseer Huey.

[Meer Taqi Meer]

Tu Ne Sulajh Kar Gesu-E-Jaanaan,
Aur Barha Di Dil Ki Uljhan.

[Jigar Moradabadi]

Rukh Bhi Dikhlaao Mujhe Zulf-E-Siyah-Faam Ke Baad
Qayada Hai Ki Sehar Hoti Hai Har Shaam Ke Baad

[Hairat Allahabadi]

Balaaen Zulf-E-Janaan Ki Agar Lete To Hum Lete,
Bala Yeh Kaun Leta Jaan Par, Lete To Tum Hum Lete.

[Bahadur Shah Zafar]

Taarikiyaan Chamak Gaeen Aawaaz-E-Dard Se,
Meri Ghazal Se Raat Ki Zulfen Sanwar Gaeen.

[Firaq Gorakhpuri]

Chhedati Hain Kabhi Lab Ko Kabhi Rukhsaaron Ko
Tum Ne Zulfon Ko Bahut Sar Pe Chadhaa Rakha Hai

[Khwamkhah Hyderabaadi]

Zara Un Ki Shokhi To Dekhiye Liye Zulf-E-Kham-Shuda Haath Mein
Mere Peechhe Aaye Dabe-Dabe Mujhe Saanp Kah Ke Daraa Diyaa

[Bahadur Shah Zafar]

More Shayari Topics

Qasid Aankhen Ishq Raqeeb Ghazal

Featured Poets on Zulf (Tresses) Shayari

Bahadurshah Zafar Mirza Ghalib Daagh Dehlvi Jigar Moradabadi Majrooh Sultanpuri Asghar Gondvi