• Breaking News

    27 October 2016

    Reyaz Khairabadi- Jafa Mein Naam Nikaalo Na Aasmaan Ki Tarah

    Jafa Mein Naam Nikaalo



    Jafa Mein Naam Nikaalo Na Aasmaan Ki Tarah
    Khulen Gi Laakh Zabaanen Meri Zabaan Ki Tarah

    Yeh Kis Ki Saya-E-Deewar Ne Mujhe Peesa
    Ye Kaun Toot Paḍa Mujh Pe Aasmaan Ki Tarah

    Rah-E-Hayat Kati Is Tarah Ki Uth Uth Kar
    Main Baith Baith Gaya Gard-E-Kaarwaan Ki Tarah

    Shareek-E-Dard To Kya Baa’is-E-Azeeyat Hain
    Woh Log Jin Se Ta’alluq Tha Jism-O-Jaan Ki Tarah

    Mujhe Shabaab Ne Maara Bala-E-Jan Ho Kar
    Bahar Aayi Mere Baaġh Mein Ḳhizaan Ki Tarah

    Teri Uthan Taraqqi Kare Qayamat Ki
    Tera Shabaab Baḍhe Umr-E-Jawedaan Ki Tarah

    'Reyaz' Maut Hai Is Shart Se Hamen Manzoor
    Zamin Sataaye Na Marne Par Aasmaan Ki Tarah

    ---------------------------

    No comments:

    Post a Comment

    Mushaira

    Video

    Topic Shayari

    Stats