• Breaking News

    27 October 2016

    Reyaz Khairabadi- Jo Ham Aaye To Botal Kyun Alag

    Jo Ham Aaye To Botal Kyun Alag



    Jo Ham Aaye To Botal Kyun Alag Peer-E-Muġhan Rakh Di
    Purani Dosti Bhi Taaq Par Ai Mehrban Rakh Di

    Ḳhuda Ke Haath Hai Bikna Na Bikna Mai Ka Ai Saaqi
    Barabar Masjid-E-Jama Ke Hum Ne Ab Dukan Rakh Di

    Chaman Ka Lutf Aata Hai Mujhe Sayyad Ke Sadqe
    Qafas Mein Laa Ke Uss Ne Aaj Shaḳh-E-Aashiyan Rakh Di

    Bina Hai Ek Hi Donon Ki Ka’ba Ho Ke But-Ḳhana
    Utha Kar Ḳhisht-E-Ḳhum Main Ne Wahan Rakh Di Yahan Rakh Di

    Ye Qais-O-Koh-Kan Ke Se Fasane Ban Gaye Kitne
    Kisi Ne Tukḍe Tukḍe Sab Hamari Dastan Rakh Di

    Yeh Aalam Hai 'Reyaz' Ek Ek Qatre Ko Tarasta Hoon
    Haram Mein Ab Bhari Botal Ḳhuda Jaane Kahan Rakh Di

    ------------------------

    No comments:

    Post a Comment

    Mushaira

    Video

    Topic Shayari

    Stats