• Breaking News

    20 October 2016

    Shakeel Badayuni- Ae shahr-e-Lucknow tujhe mera salaam hai

    Ae shahr-e-Lucknow

    Ae shahr-e-Lucknow tujhe mera salaam hai
    Ae shahr-e-Lucknow tujhe mera salaam hai

    Tera hi naam doosra jannat ka naam hai
    Ae shahr-e-Lucknow tujhe mera salaam hai

    Mere liye bahar bhi tu, gul-badan bhi tu
    Parwana aur shamaa bhi tu, anjuman bhi tu

    Zulfon ki tarah mehki huyi teri shaam hai
    Ae shahr-e-Lucknow tujhe mera salaam hai

    Kaisa nikhar tujh mein hai, kya kya hai bankpan
    Ghazlen gali-gali hai, to naghme chaman-chaman

    Shayar ke dil se puch kya tera maqaam hai
    Ae shahr-e-Lucknow tujhe mera salaam hai

    Tu voh hai log shahr-e-sitara kahe jise
    Firduas-e-husn-e-rang-e-bahaara kahe jise

    Tere har ek ada mein wafa ka paiyam hai
    Ae shahr-e-Lucknow tujhe mera salaam hai

    --------------------------------

    No comments:

    Post a Comment

    Mushaira

    Video

    Topic Shayari

    Stats