• Breaking News

    10 May 2012

    Khamoshi Shayari

    khamoshi silence


    Ye Sukoot-E-Naaz Ye Dil Ki Ragon Ka Tootnaa
    Khamoshi Mein Kuchh Shikast-E-Saaz Ki Baaten Karo

    [Firaq]

    --------------------------------- 


    Kah Rahaa Hai Dariya Se Samandar Ka Sukoot
    Jis Ka Jitna Zarf Hai Utna Vo Khaamosh Hai

    [Allama Iqbal]

    -------------------------


    Zulmat Kade Mein Mere Shab-E-Gham Ka Josh Hai
    Ek Shamma Hai Daleel-E-Sahar So Khamosh Hai

    [Mirza Ghalib]

    --------------------------


    Khamosh Ai Dil Bhari Mahafil Mein Chillaanaa Nahin Achhaa
    Adab Pahlaa Qareenaa Hai Mohabbat Ke Qareenon Mein

    [Allama Iqbal]

    ---------------------------


    Bazm Mein Us Ke Roo-Ba-Roo Kyoon Na Khamosh Baithiye
    Us Ki To Khamoshi Mein Bhi Hai Ye Hi Mudda'a Ki Yoon

    [Mirza Ghalib]

    ------------------------------


    Umr Bhar Jaltaa Rahaa Dil Aur Khamoshi Ke Saath
    Shamma Ko Ek Raat Ki Soz-E-Dili Pe Naaz Thaa

    [Saqib Lucknawi]

    ----------------------------------


    Khamosh Tum Bhi The Aur Khamosh Main Bhi Thaa
    Phir Vo Kaun Thaa Jo Itni Der Boltaa Rahaa

    [Unknown]

    ---------------------------------


    Khamoshi Khud Apni Sadaa Ho Aisa Bhi Ho Sakta Hai
    Sannaata Hi Goonj Raha Ho Aisaa Bhi Ho Sakta Hai

    [Zaka Siddiqui]

    ----------------------------------


    O Aasmaan Vaale Kabhi To Nigaah Kar
    Kab Tak Ye Zulm Sahte Rahen Khamoshi Se Ham

    [Sahir Ludhianvi]

    ---------------------------------


    Main Ne Ye Kab Kaha Ke Mere Haq Mein Ho Javaab
    Lekin Khamosh Kyoon Hai Too Koi Faislaa To De

    [Rana Sahri]

    -------------------------------


    Lab-E-Khamosh Se Izhaar-E-Tamannaa Chaahe
    Baat Karne Ko Bhi Tasveer Kaa Lahajaa Chaahe

    [Muzaffar Warsi]

    ----------------------------------


    Uff Khamoshi Ki Ye Aahen Dil Ko Bharmaati Hui
    Uff Ye Sannaate Ki Shahnaai Kise Aavaaz Doon

    [Josh Malihabadi]

    --------------------------------- 


    Moonh Ki Baat Sune Har Koi Dil Ke Dard Ko Jaane Kaun
    Aavaazon Ke Baazaaron Mein Khamoshi Pahchaane Kaun

    [Unknown]

    ----------------------------------  


    Khamoshi Kaa Haasil Bhi Ek Lambi Si Khamoshi Hai
    Un Ki Baat Suni Bhi Ham Ne Apni Baat Sunaai Bhi

    [Gulzar]

    ------------------------------

    No comments:

    Post a Comment

    Mushaira

    Video

    Topic Shayari

    Stats