• Breaking News

    18 May 2012

    Khoo Shayari



    Tum Agar Apni Khoo Ke Ho Maashooq
    Apne Matlab Ke Yaar Ham Bhi Hain

    [Daagh Dehlvi]

    *****************************


    Dil-E-Be-Gaana-Khoo, Duniya Mein Tera
    Koi Ham-Dam Koi Ham-Raaz Bhi Hai

    [Arsh Malsiyani]

    *****************************


    Ushshaaq Ke Dil Naazuk Us Shokh Ki Khoo Naazuk
    Naazuk Isi Nisbat Se Hai Kaar-E-Muhabbat Bhi

    [Hasrat Mohani]

    *****************************


    Aadatan Tum Ne Kar Diye Vaade
    Aadatan Ham Ne Aitbaar Kiya

    [Gulzar]

    *****************************


    Ranj Se Khoo-Gar Hua Insaan To Mit Jaataa Hai Ranj
    Mushkilen Mujh Par Padi Itni Ke Aasaan Ho Gain

    [Mirza Ghalib] 

    *****************************


    Aadat Si Banaa Li Hai Tum Ne To "Munir" Apni
    Jis Shahar Mein Bhi Rahna Ghabraaye Hue Rahna

    [Munir Niazi] 

    *****************************


    Ham Bhi Tasleem Ki Khoo Daalenge
    Be-Niyaazi Teri Aadat Hi Sahi

    [Mirza Ghalib]

    *****************************


    Sohabat Mein Ghair Ki Na Padi Ho Ye Khoo Kahin
    Dene Lage Hain Bose Baghair Iltajaa Kiye

    [Mirza Ghalib] 

    *****************************


    Zid Ki Hai Aur Baat Magar Khoo Buri Nahin
    Bhoole Se Us Ne Saikdon Vaade Vafaa Kiye

    [Mirza Ghalib]

    *****************************


    Marne Ke Vaqt Bhi Meri Aankhen Khuli Rahin
    Aadat Jo Pad Gai Thee Tere Intazaar Ki

    [Unknown]

    *****************************


    Voh Apni Khoo Na Chhoden Ge, Ham Apni Vaza'a Kyon Chhoden
    Subuk Sar Ban Ke Kya Poochhen, Ki Ham Se Sar-Giraan Kyon Ho

    [Mirza Ghalib]

    *****************************


    Be-Talab Den To Maza Us Mein Siva Milta Hai
    Vo Gada Jis Ko Na Ho Khoo-E-Savaal Achchha Hai

    [Mirza Ghalib]

    *****************************


    Tumhin Kaho Ki Guzaara Sanam-Paraston Ka
    Buton Ki Ho Agar Aisi Hi Khoo To Kyonkar Ho

    [Mirza Ghalib]

    *****************************


    Milti Hai Khoo-E-Yaar Se Naar Iltihaab Mein
    Kaafir Hoon Gar Na Milti Ho Raahat Azaab Mein

    [Mirza Ghalib]

    *****************************

    Allaah Re! Teri Tundi-E-Khoo, Jis Ke Beem Se
    Azzaa-E-Naalaa Dil Mein Mere Rizqe-Ham Hue

    [Mirza Ghalib]

    *****************************


    Vo Bad-Khoo Aur Meri Daastan-E-Ishq Toolaani
    Ibaarat Mukhtasar, Qaasid Bhi Ghabra Jaaey Hai Mujh Se

    [Mirza Ghalib] 

    *****************************


    Yun Arz-O-Talab Se Kab Ai Dil Patthar-Dil Paani Hote Hain
    Tum Laakh Raza Ki Khoo Daalo Kab Khoo-E-Sitamgar Jaati Hai

    [Faiz Ahmed Faiz]

    *****************************


    Apne Khoo-E-Vafaa Se Darta Hoon
    Aashiqi Bandagi Na Ho Jaaye

    [Bekhud Dehlvi]  

    *****************************


    Khuda Jaane Kya Hoga Anjaam Is Ka
    Main Be-Sabar Itna Hoon Vo Tund-Khoo Hai

    [Khwaja Meer Dard]

    *****************************


    Kya Sabab Tu Jo Bigadta Hai 'Zafar' Se Har Baar
    Khoo Teri Hoor-E-Shamaail Kabhi Aisi To Na Thi

    [Bahadur Shah Zafar]

    *****************************


    Koocha-E-Yaar Mein Jaane Ki Kabhi Khoo Na Gai
    Thokaren Kha Ke Bhi Sambhle Na Sambhalne Vaale

    [Mohammed Ali Nazir] 

    *****************************


    Raazi-Va-Raza Ham Hain Bahar-Haal Magar Haan
    Dar Hai Ki Ye Khoo Tum Ko Sitama-Gar Na Kar De

    [Hasrat Mohani]

    *****************************


    Aadat Si Hai Nasha Na Ba Kaif
    Paani Na Piyaa Sharab Pee Lee

    [Riaz Khairabadi]

    *****************************


    Lazzat Kabhi Thi Ab To Museebat Si Ho Gai
    Mujh Ko Gunaah Karne Ki Aadat Si Ho Gai

    [Bekhud Dehlvi]

    *****************************


    Kuchh Ho Lekin Ye Meri Aadat Hai
    Jab Vo Aayen To Muskura Dena

    [Josh Malihabadi]

    *****************************


    Nahin Yaa Sanam 'Momin' Ab Kufr Se Kuchh
    Ke Khoo Ho Gai Hai Sada Kahte Kahte

    [Momin Kham Momin]

    *****************************


    Be-Talab Dein To Maza Uss Mein Siwa Milta Hai
    Woh Gada Jis Ko Na Ho Khoo-E-Sawaal Achcha Ha

    [Ghalib]

    *****************************


    Kya Sabab Too Jo Bigadta Hai "Zafar" Se Har Baar
    Khoo Teri Hoor-E-Shamaail Kabhi Aisi To Na Thi

    [Zafar]

    *****************************


    Is Balaa-E-Jaal Se ‘Aatish’ Dekhiye Kyunkar Nibhe
    Dil Siwa Sheeshe Se Naazuk, Dil Se Naazuk Khoo-E-Dost

    [Aatish]

    *****************************


    Nahin Yaa Sanam 'Momin' Ab Kufr Se Kuchh
    Ke Khoo Ho Gai Hai Sadaa Kahte Kahte

    [Momin]

    *****************************

    No comments:

    Post a Comment

    Mushaira

    Video

    Topic Shayari

    Stats