Ghalib - Naqsh Fariyaadi Hai Kiski Shokhi-E-Tehreer Ka

Naqsh Fariyaadi Hai Kiski Shokhi-E-Tehreer Ka
Kaaghazi Hai  Pairhan  Har  Paikar-E-Tasweer Ka

Kaawe-Kaawe Sakht-Jaani Haay Tanhaai Na Pooch
Subah  Karna  Shaam Ka Laana Hai Joo-E-Sheer Ka

Jazba-E-Be-Ikhtiyaar-E-Shauq    Dekha   Chaahiye
Seena-E-Shamsheer Se Baahar Hai Dam Shamsheer Ka

Aagahi Daam-E-Shuneedan Jis Qadar Chaahe Bichaaye
Mudda'a  Anqa   Hai   Apne   Aalam-E-Taqreer   Ka

Bus Ke Hoon 'Ghalib' Aseeree Mein Bhi Aatish Zer-E-Pa
Moo-E-Aatish-Deeda   Hai   Halqa   Meri  Zanjeer   Ka

  ---------------------------