Majaz - Husn Ko Be-Hijaab Honaa Thaa



Husn Ko Be-Hijaab Honaa Thaa
Shauq Ko Kaamyaab Honaa Thaa

Hijr Men Kaif-E-Iztiraab Na Pooch
Khoon-E-Dil Bhii Sharaab Honaa Thaa

Tere Jalwon Mein Ghir Gayaa Aakhir
Zarre Ko Aaftaab Honaa Thaa

Kuch Tumhaarii Nigaah Kaafir Thee
Kuch Mujhe Bhii Kharaab Honaa Thaa

Raat Taaron Kaa Tootnaa Bhi ‘Majaz’
Baais-E-Iztiraab Honaa Thaa

        --------------------------

Post a Comment

0 Comments

–>