Yun Hi Baithe Raho Bas Dard-E-Dil Se Bekhabar Ho Kar
Bano Kyun Chaara-Gar Tum, Kya Karo Ge Chaara-Gar Ho Kar
Dikha De Ek Din Ai Husn-E-Rangin Jalwa-Gar Ho Kar
Vo Nazzaara Jo In Ankhon Mein Reh Jaaye Nazar Ho Kar
Dil-E-Soz-Aashna Ke Jalwe The Jo Muntashar Ho Kar
Fazaa-E-Dehar Mein Chamaka Kiye Barq-O-Sharar Ho Kar
Vahi Jalwe Jo Ek In Daaman-E-Dil Se Gurezaan The
Nazar Mein Reh Gaye Gulhaa-E- Daaman-E-Nazar Ho Kar
Falak Ki Simt Kis Hassrat Se Takte Hai Maa'az-Allaah
Ye Naale Naarsa Ho Kar, Ye Aahen Be-Asar Ho Kar
Ye Kis Ke Husn Ke Rangin Jalwe Chhaaye Jaate Hai
Shaffaq Ki Surkhiyaan Ban Kar, Tasalli-E-Sahar Ho Kar
-----------------------
0 Comments