Meer - Gul Ko Mahboob Main Qayaas Kiya



Gul Ko Mahboob Main Qayaas Kiya
Farq Niklaa Bahut Jo Baas Kiya

Dil Ne Ham Ko Misaal-E-Aaina
Ek Aalam Se Ru-Shinaas Kiya

Kuch Nahin Sujhta Hamain Us Bin
Shauq Ne Ham Ko Be-Hawaas Kiya

Subah Tak Shama Sar Ko Dhundhti Rahi
Kya Patange Ne Iltemaas Kiya

Aise Vahshi Kahaan Hain Ae Khubaan
‘Meer’ Ko Tum Ne Abas Udaas Kiya

-------------------------

Post a Comment

0 Comments