Meer - Ishq Main Ji Ko Sabr-O-Taab Kahan

Ishq Main Ji Ko Sabr-O-Taab Kahan
Us Se Aankhen Lagi To Khwaab Kahan

Bekali Dil Hi Ki Tamasha Hai
Barq Main Aise Izteraab Kahan

Hasti Apni Hai Beech Main Parda
Ham Na Hoven To Phir Hijaab Kahan

Giriyaa-E-Shab Se Surkh Hain Aankhain
Mujh Balaa Nosh Ko Sharaab Kahan

Ishq Hai Aashiqon Ko Jalne Ko
Ye Jahannum Main Hai Azaab Kahan

Mahv Hain Is Kitaabi Chehre Ke
Aashiqon Ko Sar-E-Kitaab Kahan

Ishq Ka Ghar Hai ‘Meer’ Se Aabad
Aise Phir Khaanamaan Kharaab Kahan

-------------------------