Main Jahaan Tum Ko Bulaata Hoon Vahaan Tak Aao
Meri Nazron Se Guzar Kar Dil-O-Jaan Tak Aao
Phir Ye Dekho Ki Zamaane Ki Havaa Hai Kaisi
Saath Mere, Mere Firdaus-E-Javaan Tak Aao
Tegh Ki Tarah Chalo Chhod Ke Aaghosh-E-Niyaam
Teer Ki Tarah Se Aaghosh-E-Kamaan Tak Aao
Phool Ke Gird Phiro Baagh Men Maanind-E-Nasim
Misl-E-Paravaana Kisi Sham-E-Tapaan Tak Aao
Lo Vo Sadiyon Ke Jahannum Ki Haden Khatm Hui
Ab Hai Firdaus Hi Firdaus Jahaan Tak Aao
Chhod Kar Vaham-O-Gumaan Husn-E-Yaqin Tak Pahuncho
Par Yaqin Se Bhi Kabhi Vaham-O-Gumaan Tak Aao
-----------------------
0 Comments