Agar Khilaf Hai Hone Do Jaan Thodi Hai - Rahat Indori

Agar Khilaf Hai Hone Do Jaan Thodi Hai

Agar Khilaf Hai Hone Do Jaan Thodi Hai
Yeh Sab Dhuaan Hai Koi Aasmaan Thodi Hai
Lagegi Aag To Aayenge Ghar Kayi Zad Main
Yahan Pe Sirf Hamara Makaan Thodi Hai
Main Jaanta Hoon Ke Dushman Bhi Kam Nahi Lekin
Hamari Tarah Hatheli Pe Jaan Thodi Hai
Hamare Munh Se Jo Nikle Wahi Sadaqat Hai
Hamare Munh Main Tumhari Zaban Thodi Hai
Jo Aaj Sahibe Mansad Hai Kal Nahi Honge
Kiraydaar Hai Zaati Makaan Thodi Hai
Sab Ka Khoon Hai Shaamil Yahan Ki Mitti Main
Kisi Ke Baap Ka Hindustaan Thodi Hai
                     --------------------------

Post a Comment

2 Comments

–>