Bashir Badr - Wo Ghazal Waalon Ka Usloob Samajhte Honge

Wo Ghazal Waalon Ka Usloob Samajhte Honge
Chaand Kahte Hain Kise Khoob Samajhte Honge

Itni Milti Hai Meri Ghazlon Se Soorat Teri
Log Tujhko Mera Mahaboob Samajhte Honge

Main Samajhta Thaa Muhabbat Ki Zabaan Khushboo Hai
Phool Se Log Ise Khoob Samajhate Honge

Bhool Kar Apnaa Zamaana Ye Zamaane Waale
Aaj Ke Pyaar Ko Maayoob Samajhte Honge

   ------------------------