Daagh - Ajab Apna Haal Hota Jo Visaal-E-Yaar Hota

Ajab Apna Haal Hotaa Jo Visaal-E-Yaar Hota
Kabhi Jaan Sadaqe Hoti Kabhi Dil Nisaar Hota

Na Mazaa Hai Dushmani Men Na Hai Lutf Dosti Men
Koi Ghair Ghair Hotaa Koi Yaar Yaar Hota

Ye Mazaa Tha Dillagii Ka Ke Baraabar Aag Lagati
Na Tumhen Qaraar Hota Na Hamen Qaraar Hota

Tere Waade Par Sitamagar Abhi Aur Sabr Karate
Agar Apani Zindagi Ka Hamen Aitabaar Hota

-------------------