Daagh - Har Baar Maangti Hai Naya Chashm-E-Yaar Dil

Har Baar Maangti Hai

Har Baar Maangti Hai Naya Chashm-E-Yaar Dil
Ik Dil Ke Kis Tarah Se Banaaun Hazaar Dil

Poochha Jo Us Ne Taalib-E-Roz-E-Jazaa Hai Kaun
Nikla Meri Zabaan Se Be-Ikhtiyaar Dil

Karte Ho Ahad-E-Wasl To Itna Rahe Khayaal
Paimaan Se Zyada Hai Na-Paaydaar Dil

Us Ne Kaha Hai Sabr Padega Raqeeb Ka
Le Aur Be-Qaraar Hua Ai Beqaraar Dil

----------------------

Post a Comment

0 Comments

–>