Faiz - Bahut Milaa Na Milaa Zindagi Se Gham Kya Hai

Bahut Milaa Na Milaa Zindagi Se

Bahut Milaa Na Milaa Zindagi Se Gham Kya Hai
Mataa-E-Dard Baham Hai To Besh-O-Kam Kya Hai

Ham Ek Umr Se Waaqif Hain Ab Na Samjhaao
Ke Lutf Kya Hai Mere Mehrbaan Sitam Kya Hai

Kare Na Jag Men Alaaw To Sher Kis Maqsad
Kare Na Shahar Men Jal-Thal To Chashm-E-Nam Kya Hai

Ajal Ke Haath Koi Aa Rahaa Hai Parwaanaa
Na Jaane Aaj Ki Fehrist Men Raqam Kya Hai

Sajaao Bazme Ghazal Gaao Jaam Taaza Karo
Bahut Sahi Gham-E-Geti Sharaab Kam Kya Hai

Lihaaz Men Koi Kuchh Door Saath Chaltaa Hai
Wagarna Dahar Men Ab Khizr Ka Bharam Kya Hai

--------------------------

Post a Comment

0 Comments

–>