Faiz - Ye Kis Khalish Ne Phir Is Dil Men Aashiyaana Kiyaa

Ye Kis Khalish Ne Phir

Ye Kis Khalish Ne Phir Is Dil Men Aashiyaana Kiyaa
Phir Aaj Kis Ne Sukhan Ham Se Ghaayebaana Kiyaa

Gham-E-Jahaan Ho, Rukh-E-Yaar Ho Ke Dast-E-Udoo
Salook Jis Se Kiya Hamane Aashiqaana Kiyaa

The Khaak-E-Raah Bhi Ham Log Qahar-E-Toofaan Bhi
Sahaa To Kya Na Sahaa Aur Kiya To Kya Na Kiyaa

Khushaa Ke Aaj Har Ik Muddai Ke Lab Par Hai
Wo Raaz Jis Ne Hamen Rand-E-Zamaana Kiyaa

Wo Hilaagar Jo Wafaa-Joo Bhi Hai Jafaa-Khoo Bhi
Kiya Bhi "Faiz" To Kis But Se Dostaana Kiyaa

------------------

Post a Comment

0 Comments

–>