Faraz - Is Daur-E-Be-Junoon Ki Kahaani Koi Likho

Is Daur-E-Be-Junoon Ki Kahaani Koi Likho,
Jismon Ko Barf Khoon Ko Paani Koi Likho,

Koi Kaho Ki Haath Qalam Kis Tarah Hue,
Kyon Ruk Gai Qalam Ki Rawaani Koi Likho,

Kyon Ahal-E-Shauq Sar-Wa-Garebaan Hain Dosto,
Kyon Khoon-Ba-Dil Hai Ahad-E-Jawaani Koi Likho ,

Kyon Surmaa-Dar-Guloo Hai Har Ek Taayar-E-Sukhan,
Kyon Gulsitaane Qafas Kaa Hai Saani Koi Likho,

Haan Taaza Saanehon Ka Kare Kaun Intazaar,
Haan Dil Ki Waaradaat Puraani Koi Likho .

--------------------