Faraz - Ye Aalam Shauq Kaa Dekhaa Na Jaaye

Ye Aalam Shauq Kaa Dekhaa Na Jaaye,
Wo But Hai Yaa Khudaa Dekhaa Na Jaaye,

Ye Kin Nazron Se Tum Ne Aaj Dekhaa ,
Ke Teraa Dekhnaa Dekha Na Jaaye ,

Hamesha Ke Liye Mujh Se Bichhad Jaa ,
Ye Manzar Baarahaa Dekhaa Na Jaaye,

Ghhalat Hai Jo Sunaa Par Aazamaa Kar,
Tujhe Ai Baawafaa Dekhaa Na Jaaye ,

Ye Mahroomi Nahin Paas-E-Wafaa Hai ,
Koi Tere Siwaa Dekhaa Na Jaaye,

Yahi To Aashna Bante Hain Aakhir,
Koi Na Aaashna Dekhaa Na Jaaye,

`Faraz` Apne Siwaa Hai Kaun Tera,
Tujhe Tujh Se Juda Dekhaa Na Jaaye.

---------------------