Iqbal - Lab Pe Aati Hai Dua Ban Ke Tamanna Meri

Lab Pe Aati Hai Dua Ban Ke Tamanna Meri
Zindagi Shamma Ki Soorat Ho Khudaaya Meri

Door Duniya Ka Mere Dam Andhera Ho Jaaye
Har Jagah Mere Chamakne Se Ujaala Ho Jaaye

Ho Mere Dam Se Yun Hi Mere Watan Ki Zeenat
Jis Tarah Phool Se Hoti Hai Chaman Ki Zeenat

Zindagi Ho Meri Parwaane Ki Surat Yaa-Rab
Ilm Ki Shamma Se Ho Mujhko Mohabbat Yaa-Rab

Ho Mera Kaam Gharibon Ki Himaayat Karna
Dard-Mandon Se Zaeefon Se Mohabbat Karna

Mere Allah Buraai Se Bachaana Mujh Ko
Nek Jo Raah Ho Us Rah Pe Chalana Mujh Ko

--------------------