Iqbal - Tere Ishq Ki Intaha Chahta Hoon

Tere Ishq Ki Intaha Chahta Hoon
Meri Saadgi Dekh Kya Chahta Hoon

Sitam Ho Ki Ho Vaada-E-Be-Hijaabi
Koi Baat Sabr-Aazma Chahta Hoon

Ye Jannat Mubarak Rahe Zaahidon Ko
Ki Main Aap Ka Saamna Chaahta Hoon

Koi Dam Ka Mehmaan Hoon Ai Ahal-E-Mehfil
Chiraagh-E-Sahar Hoon, Bujha Chahta Hoon

Bhari Bazm Main Raaz Ki Baat Kah Di
Bada Be-Adab Hoon, Saza Chahta Hoon

-----------------