Jan Nisar Akhtar - Tamaam Umr Azaabon Ka Silasilaa To Raha

Tamaam Umr Azaabon Ka Silasilaa

Tamaam Umr Azaabon Ka Silasilaa To Raha
Ye Kam Nahin Hamen Jeene Ka Hausala To Raha

Guzar Hi Aaye Kisi Tarah Tere Divaane
Qadam Qadam Pe Koi Sakht Marhala To Raha

Chalo Na Ishq Hi Jeetaa Na Aql Haar Saki
Tamaam Vaqt Maze Ka Muqaabla To Raha

Main Teri Zaat Men Gum Ho Saka Na Too Mujh Men
Bahut Qareeb The Ham Phir Bhi Faasala To Raha

Ye Aur Baat Ki Har Chhed Laa-Ubaali Thi
Teri Nazar Ka Dilon Se Muaamala To Raha

Bahut Hasin Sahi Wazae-Ehatiyaat Teri
Meri Havas Ko Tere Pyaar Se Gila To Raha

---------------------

Post a Comment

0 Comments

–>