Jan Nisar Akhtar - Zaraa Si Baat Pe Har Rasm Tod Aayaa Tha

Zaraa Si Baat Pe Har Rasm Tod Aayaa Tha
Dil-E-Tabaah Ne Bhi Kya Mizaaj Paaya Tha

Muaaf Kar Na Saki Meri Zindagi Mujh Ko
Vo Ek Lamha Ki Main Tujh Se Tang Aaya Tha

Shagufta Phool Simat Kar Kali Bane Jaise
Kuchh Is Tarah Se Toone Badan Churaaya Tha

Guzar Gaya Hai Koi Lamha-E-Sharar Ki Tarah
Abhi To Main Use Pahachaan Bhi Na Paaya Tha

Pata Nahin Ki Mere Baad Un Pe Kya Guzri
Main Chand Khvaab Zamaane Men Chhod Aaya Tha

------------------