Jigar - Dil Main Kisi Ke Raah Kiye Ja Raha

Dil Main Kisi Ke Raah Kiye Ja Raha Hoon Main
Kitna Haseen Gunaah Kiye Ja Raha Hoon Main

Duniya-E-Dil Tabaah Kiye Ja Raha Hoon Main
Sarf-E-Nigaah-O-Aah Kiye Ja Raha Hoon Main

Fard-E-Amal Siyaah Kiye Ja Raha Hoon Main
Rahmat Ko Bepanaah Kiye Ja Raha Hoon Main

Aisi Bhi Ik Nigaah Kiye Ja Raha Hoon Main
Zarron Ko Mahar-O-Maah Kiye Ja Raha Hoon Main

Mujh Se Lage Hain Ishq Ki Azmat Ko Chaar Chaand
Khud Husn Ko Gawaah Kiye Ja Raha Hoon Main

Maasoomi-E-Jamaal Ko Bhi Jis Pe Rashk Ho
Aise Bhi Kuch Gunaah Kiye Ja Raha Hoon Main

---------------------