Majrooh - Mujhe Sahal Ho Gain Manzilen Wo Hawaa Ke Rukh Bhi Badal Gae



Mujhe Sahal Ho Gain Manzilen Wo Hawaa Ke Rukh Bhi Badal Gae
Teraa Haath Haath Mein Aa Gaya Ke Chiraag Raah Mein Jal Gae

Wo Lajaaye Mere Sawaal Par Ke Uthaa Sake Na Jhukaa Ke Sar
Udi Zulf Chehre Pe Is Tarah Ke Shabon Ke Raaz Machal Gae

Wahi Baat Jo Wo Na Kar Sake Mere Sher-O-Nagma Mein Aa Gai
Wahi Lab Na Main Jinhen Chhoo Saka Qadaah-E-Sharaab Mein Dhal Gae

Unhen Kab Ke Raas Bhi Aa Chuke Teri Bazm-E-Naaz Ke Haadse
Ab Uthe Ke Teri Nazar Phire Jo Gire The Gir Ke Sanbhal Gae

Mere Kaam Aa Gain Aakhirash Yahi Kaawishen Yahi Garadishen
Badahin Is Qadar Meri Manzilen Ke Qadam Ke Khaar Nikal Gae

-------------------

Post a Comment

0 Comments

–>