Momin - Asar Usako Zaraa Nahin Hotaa

Asar Usako Zaraa Nahin Hotaa
Ranj Raahat Fazaa Nahin Hotaa

Tum Hamaare Kisi Tarah Na Hue
Varnaa Duniya Men Kyaa Nahin Hotaa

Naa-Rasaai Se Dam Ruke To Ruke
Main Kisi Se Khafaa Nahin Hotaa

Tum Mere Paas Hote Ho Goyaa
Jab Koi Doosra Nahin Hotaa

Haal-E-Dil Yaar Ko Likhun Kyon Kar
Haath Dil Se Judaa Nahin Hotaa

Kyon Sune Arz-E-Muztarib Ai 'Momin'
Sanam Aakhir Khudaa Nahin Hotaa

------------------------