Momin - Mujh Ko Terey Ataab Ne Mara

 

Mujh Ko Terey Ataab Ne Mara
Ya Merey Iztaraab Ne Mara

Tishna Kaam-E-Wisal Ki Mat Poochh
Shokh Taigh-E-Khush Aab Ne Mara

Yaad-E-Ayyam-E-Wasl-E-Yaar Afsos!
Dehar Ke Inqalaab Ne Mara

Lab-E-May'goo.N Pe Jan Detey Hain
Hamain Shauq-E-Sharaab Ne Mara

Kis Pe Martey Ho, Aap Pochtey Hain
Muje Fikr-E-Jawaab Ne Mara

Yuun Kabi Nojwa.N Na Marta Main
Terey Ehd-E-Shabbaab Ne Mara

Momin Az-Bas Hain Be'shumar Gunah
Gham-E-Roz-E-Hisaab Ne Mara

---------------------