Nida Fazli - Dil Men Na Ho Jurrat To Muhabbat Nahin Milti

Dil Men Na Ho Jurrat To Muhabbat Nahin Milti


Dil Men Na Ho Jurrat To Muhabbat Nahin Milti
Khairaat Men Itni Badi Daulat Nahin Milati

Kuchh Log Yoon Hi Shahar Men Ham Se Bhi Khafaa Hain
Har Ek Se Apani Bhi Tabiyat Nahin Milti

Dekha Tha Jise Main Ne Koi Aur Tha Shaayad
Wo Kaun Hai Jis Se Teri Soorat Nahin Milti

Hanste Huye Chehron Se Hai Baazaar Ki Zeenat
Rone Ko Yahaan Waise Bhi Fursat Nahin Milti

---------------------

Post a Comment

1 Comments

–>