Qateel - Mil Kar Judaa Hue To Na Soya Karen Ge Ham

Mil Kar Judaa Hue To Na Soya Karen Ge Ham,
Ek Doosre Ki Yaad Mein Roya Karen Ge Ham,

Aansu Chhalak Chhalak Ke Sataayen Ge Raat Bhar,
Moti Palak Palak Mein Piroyaa Karen Ge Ham,

Jab Dooriyon Ki Aag Dilon Ko Jalaaye Gi,
Jismon Ko Chandni Mein Bhigoya Karen Ge Ham,

Gar De Gaya Dagha Hamein Tuafan Bhi `Qateel`,
Saahil Pe Kashtiyon Ko Duboya Karen Ge Ham

-----------------------