Shakeel - Rooh Ko Tadpa Rahi Hai Un Ki Yaad

Rooh Ko Tadpa Rahi Hai Un Ki Yaad
Dard Ban Kar Chaa Rahi Hai Un Ki Yaad

Ishq Se Ghabraa Rahi Hai Un Ki Yaad
Rukte Rukte Aa Rahi Hai Un Ki Yaad

Vo Hanse Vo Zer-E-Lab Kuch Kah Uthe
Khwaab Se Dikhala Rahi Hai Un Ki Yaad

Main To Khuddaari Ka Qaail Hoon Magar
Kya Karoon Phir Aa Rahi Hai Un Ki Yaad

Ab Khayaal-E-Tark-E-Rabt Zabt Hi Se Hai
Khud Ba Khud Sharma Rahi Hai Un Ki Yaad

---------------------------